Mateo 16:23 - Tosi Tapu

²³ Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Mateo 16:23 Iomraidhean Croise

Senesi 3:17

Ti na pati loa a ia ki le tagata : O tupu na ke fakalogo ki le leo o lau avaga, ti na ke kai ki le fua o le laakau leia na kau fakatotonu atu kiate koe : E leaise ke kai loa ki ai ! E malaia loa le kele o tupu ko koe. E ke gaoi pakia loa ke maua ai lau nea kai i aso fuli o lou mauli.

Lua tosi a Samuele 19:22

Kae na pati loa Tavite : E leaise kolua kau i ai, vosa o Teselusa, ti kolea e kolua fakafesagai ai ki aku manatu ? Pe tamate loa se tagata i le aso nei i Iselaele ? Pe leaise kau iloa ko au leia e pule i le aso nei i Iselaele ?

Uluaki tosi o Koloniko 21:1

Na tuu ake loa Satana o fakaveli ki Iselaele, ti na fakalotoi loa e ia a Tavite ke lau le kakai o Iselaele.

Esaia 8:14

Ti e soko loa a ia ko se sagatualio, Kae e toe liliu foki a ia ko se fa fatu fakatupu tukia, Ko se utu fakatupu siga ki fale e lua o Iselaele, Ko se kupega mo se masele Ki le kakai o Selusalemi.

Mateo 16:22

Na too loa a ia e Petelo ki se ganea kese, o fai ni valoki kiate ia, o pati : Aliki, i mua o le Atua ! E leaise soko loa le nea lena kiate koe.

Mateo 18:7

Malaia ki le malama nei o tupu ko fakasala ! Talie e aoga ke soko ni fakasala ; kae malaia ki le tagata leia e tupu mei ai le fakasala !

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Maleko 8:33

Kae na mafuli loa Sesu ki muli, o tio ki ana tisipulo, ti na valoki e ia Petelo, o pati : Ano ki muli, Satana ! Talie ko au manatu e leaise ko manatu a le Atua, kae ko manatu a tagata.

Luka 4:8

Na tali loa Sesu kiate ia : E tuu i le tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Soane 6:70

Na tali loa Sesu kia latou : Pe leaise ko au leia na filifili ia koutou, koutou ko le tino agafulu tupu lua ? Ti ko se tasi ia koutou ko se temonio !

Loma 14:13

Koia aua na kotou fefakamaauaki ; kae ke kotou manatu ke aua na fai se nea ke fakatupu tukia pe fakatupu siga ki lokoutou taina.

Loma 14:21

E malie ke aua na kai ki se inati, ke aua na inu ki se vino, ti ke tiaki le nea leia e fakatupu siga ki lou taina, pe fakatupu tukia, pe fakatupu gaegae.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Kolose 3:2

Kotou pipiki ki nea o aluga, kae aua ki nea ala i le malama nei.