Mateo 16:17 - Tosi Tapu

¹⁷ Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 16:17 Iomraidhean Croise

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Kalate 1:16

ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Soane 4:15

Ko leia e fakasa ia loa i le kaugamalie ko Sesu ko le Alo a ia o le Atua, e nofo le Atua iate ia, ti e nofo a ia i le Atua.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.