Mateo 15:9 - Tosi Tapu

⁹ E maumau noa lalatou fakavikiviki kiate au, Talie e lotou tuku ni lekula fakatagata ofaipe ni pelesepeto meiate au.

Mateo 15:9 Iomraidhean Croise

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Pesalemo 73:13

E maoki na leai sona aoga ke kau fakamea loku loto, Ti ke kau fufulu oku lima i le maokioki :

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?

Mateo 15:10

Ti na kalagai loa e ia le kakai, o pati kia latou : Kotou fakalogo, ti kotou matala.

Maleko 7:7

E leaise uiga o lakotou su kiate au, Otuku ni pelesepeto ala ko ni fakatotonu a tagata.

Uluaki tosi ki le kau Kolinto 15:2

leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Uluaki tosi kia Timoteo 1:4

ti ke aua na pipiki ki ni talatuku mo ni sologa lee oki, ala e fakatupu ia ni visi kae e leaise fakatuputupua ia le gaoi a le Atua i le tui.

Tito 1:14

ti ke aua na lotou pipiki ki fanaga fakasutea mo ni fakatotonu a ni tagata ala e titua ki le maoki.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Sakopo 2:20

Ei tagata valea, pe ke fia iloa ko le tui sala gaoi e leai sona aoga ?

Apokalipisi 22:18

E kau fakasa ki leia e logo ki folafola o le polofesia o le tosi leinei : Kapau e fakalasi loa e se tasi se nea ki ai, e fakalasi loa e le Atua kiate ia a malaia ala kua tosi i le tosi leinei ;

Uluaki tosi a Samuele 25:21

Kae kua oki i le fakasa e Tavite, o pati : Na leaise aoga fua o laku leoleo a nea fuli a le tagata lena i le toafa, o leaise puli fua sana nea ; kua taui e ia le malie ki le veli.