Mateo 15:6 - Tosi Tapu

⁶ E kotou fakanoai i ai le folafola a le Atua, o tupu ko lakoutou talatisio.

Mateo 15:6 Iomraidhean Croise

Pesalemo 119:126

Ei Eteleno, ko le temi leia ke ke gaoi ai : Talie e lotou maumaui lau lao.

Pesalemo 119:139

E tutu au e loku oli, Talie kua galo au folafola i oku fili.

Selemia 8:8

Pe fefeaki ke kotou pati : E motou popoto, E motou maua le lao a le Eteleno ? E leaise aoga le gaoi a le kau sekelipa, Talie e lotou tosi loi le lao.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Mateo 15:5

Kae ko koutou, e kotou pati : Ko leia e pati loa ki lona tamana pe ki lona tinana : Ko le nea leia na tonu ke kau taupau ai a koe ko se moliga ki le Atua, e leaise toe maua loa a ia ki lona tamana pe ki lona tinana.

Mateo 15:7

Kau malualoi, na tonu ai Esaia i lana folafola kikite kia koutou, o pati :

Maleko 7:13

o kotou fakanoai i ai le folafola a le Atua o tupu ko lakoutou talatisio leia na kotou fakatupu. Ti e kotou fai mo ni iki ake a nea mauke e tatau mo nea ana.

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Uluaki tosi kia Timoteo 5:16

Kapau e maua e se tasi, pe fafine pe tagata, ni fafine lokonui i lona famili, ke taupau e ia latou, o tupu ke aua na mafaia le Ekelesia ia latou, kae ke maamaa a ia o taupau latou ala e sala famili.

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.