Mateo 15:14 - Tosi Tapu

¹⁴ Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 15:14 Iomraidhean Croise

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Esaia 42:19

Ko ai e kivi, pe leaise ko laku tagata fakasausau ? Ko ai e tulituli ofaipe laku tagata avelogo leia e kau kakau ? Ko ai e kivi, ofaipe le kaukau nea o le Atua, E kivi ofaipe le tagata fakasausau a le Eteleno ?

Esaia 56:10

E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Oseo 4:17

Kua pipiki Efalaimi ki taulaatua : Tuku ai a ia.

Malakia 2:8

Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Luka 6:39

Na toe fai foki e ia kia latou le folafola fakatata leinei : Pe mafai ke taki e se kivi se tasi a kivi ? Pe leaise la vivilo loa toka lua ki se popoko ?

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Lua tosi a Petelo 2:17

Ko tagata ana ko ni vai mamasa latou, ko ni ao latou kua viligia i se afa ; ti kua taofi kia latou se nofoaga i le fakapouli lee gato.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !