Mateo 13:47 - Tosi Tapu

⁴⁷ E toe fakatatau foki le Puleaga o le atu lagi ki se kupega leia na ti ki le tai o tae mai ni ika i faasiga kesekese.

Mateo 13:47 Iomraidhean Croise

Esekiele 47:10

E tutuu loa ni kau fai feua i ona laugutu ; i Ene-Keti o kaku ki Ene-Ekalaimi, e fola loa i ai ni kupega ; ti e i ai loa ni ika kesekese, ofaipe ika o le moana, ti e lotou lasi loa.

Mateo 13:44

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Mateo 13:46

Na maua e ia se fa fuai kasoa totogi veli ai ; ti na ano a ia o fakatau ana nea fuli, ke totogi ai le fa fuai kasoa lena.

Mateo 13:48

I le apele o le kupega, e toso ake a ia e tagata tautai ki le one, ti e lotou tonatona loa ki lalo o fafao a ika malilie ki ni polapola, kae e lotou tiaki loa a ika veveli.

Mateo 4:19

Na pati loa a ia kia laua : Kolua muli mai iate au, ti e kau fakaliliu loa koulua ko ni tagata tautai tagata.

Maleko 1:17

Na pati loa Sesu kia laua : Kolua muli mai iate au, ti e kau fakaliliu loa koulua ko ni tautai tagata.

Luka 5:10

Na tatau foki mo Sakopo, mo Soane, vosa o Sepeteo, ko kau fai feua o Simone. Na pati loa Sesu kia Simone : Aua na ke i, e ke liliu maoki loa ko se tagata tautai tagata.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Uluaki tosi ki le kau Kolinto 11:19

talie e tonu ke i ai foki ni magai lotu ia koutou, o tupu ke iloa ai latou ala kua fakamaoki ia koutou.

Lua tosi ki le kau Kolinto 11:26

Na tua lasi laku fefolauaki, na kau tutamaki i vaitafe, teiteiki mei le potu o le kau kaia, teiteiki mei le potu o latou o loku fenua, teiteiki mei le potu o le kau pagani, teiteiki i kolo, teiteiki i toafa, teiteiki i le tai, teiteiki i fetaina loi.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.