Mateo 13:41 - Tosi Tapu

⁴¹ E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Mateo 13:41 Iomraidhean Croise

Lua tosi a Samuele 23:6

Kae e tatau le kau agaveli fuli mo ni laakau talatala ala e tiaki, Ti e leaise too ki le lima ;

Sofoni 1:3

E kau maumaui loa tagata mo manu, A manu lele o le lagi mo ika o le tai, A nea fakatupu siga mo le kau agaveli mo latou ; E kau tuuti loa a tagata i aluga o le malama nei, E pati le Eteleno.

Mateo 13:49

E toe fenaaki loa i le fakaoki o le malama nei. E au loa le kau aselo o vaei kese le kau agaveli mei le kau agatonu,

Mateo 18:7

Malaia ki le malama nei o tupu ko fakasala ! Talie e aoga ke soko ni fakasala ; kae malaia ki le tagata leia e tupu mei ai le fakasala !

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Maleko 13:27

Ti e kakau loa e ia le kau aselo, ti e tanaki fakatasi loa e ia le kau filifiliia mei fetuu matagi e fa, mei le gatoaga o le kele ki le gatoaga o le lagi.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.