Mateo 13:30 - Tosi Tapu

³⁰ Kotou tuku ke la sosomo fakatasi o kaku ki le temi leia e la matutua ai, ti, i le temi tuuti o le fulumeto, e kau pati loa ki le kau tagata gaoi : Kotou taaki mua le sisania, o fui a ia ke tutu, kae kotou tanaki le fulumeto ki loku fata.

Mateo 13:30 Iomraidhean Croise

Lua tosi a Samuele 23:7

Ko leia e fafa kia latou e tonu ke too e ia se ukamea pe ko se laakau loa, Ti e tutu e ia latou ki le afi i le ganea lena.

Sopo 39:12

Pe fia tausi se pipi vao kiate koe ? Pe fakamoe a ia i le pouli i le fale manu ?

Esaia 17:5

E fai loa pe le temi leia e tuuti ai le fulumeto e le tagata tuuti fulumeto, Ti e tuuti ai e lona lima a taulu fulumeto ; E fai loa pe le temi leia e tanaki ai a taulu fulumeto i le vaivailiua o Lefaimi.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Mateo 13:25

Kae i le lolotoga o le moe a le kakai, na au loa lona fili o muluki se sisania i lotolotoga o le fulumeto, ti ano loa a ia.

Mateo 13:29

Na pati loa a ia : Leai, talie ke aua na kotou taaki le sisania o fakatasi mo le fulumeto.

Mateo 25:32

E fakatasi loa a atu puleaga fuli i ona mua. E vaei kese loa e ia ala mei la, ofaipe le vaei kese e le tagata tausi ovi o ovi mei koti ;

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Luka 3:17

E too e ia i lona lima lana laakau sasa fulumeto ; e fakamea loa e ia lona sasaaga fulumeto, ti e tanaki loa e ia le fulumeto ki lona fale tanaki magiti, kae e tutu loa e ia a kaui fulumeto i se afi leia e leaise toe mate loa.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Uluaki tosi kia Timoteo 5:24

Kua sa malie a agasala a iki tagata i mua, kae e leikiaise fakamaaui latou, kae ko agasala a iki ake koi sa loa latou ki muli.

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.