Mateo 13:22 - Tosi Tapu

²² Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 13:22 Iomraidhean Croise

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 11:28

E siga loa leia e fanaki ki ona koloa, Kae e sesega loa le kau agatonu ofaipe le lau o laakau.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Ekelesiasi 4:8

Ko leinei se tagata leia na toka tasi malie, ti na leaise se maua sona kaukau nea, pe ko sona vosa, pe ko sona taina, kae na leaise se toe oki lana gaoi, ti na leaise toe makona ona mata i ona koloa i se aso, logo ai e pati a ia : E kau gaoi nei ma ai, ti e kau taofi le fiafia ki loku laumalie o tupu ko ai ? Ko se tasi foki a ia vaiga mo se tasi nea veli.

Selemia 4:3

Talie e folafola le Eteleno ki tagata o Suta mo Selusalemi, o pati : Kotou faala kia koutou se faisaga foou ; Ti aua na kotou muluki i laakau talatala.

Mateo 12:32

Ko leia e masau veli loa ki le Vosa o le tagata, e fakamolemole loa kiate ia ; kae ko leia e masau veli loa ki le Laumalie Maokioki, e leaise toe fakamolemole loa kiate ia i le sekulo leinei pe ko le sekulo ka au.

Mateo 13:39

Ko le fili leia na muluki ia le sisania ko le Tiapolo ; ko le temi tuuti o le fulumeto ko le fakaoki o le malama nei ; ko le kau tagata gaoi ko le kau aselo.

Mateo 13:40

Ti e tatau mo le tanaki o le sisania o ti ki le afi, e toe fenaaki loa i le fakaoki o le malama nei.

Mateo 13:7

Na maluku loa se tasi a potu i ni vao talatala : Na sosomo ake a vao talatala, o taotao a ia o mate.

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 12:21

E toe fenaaki foki ki leia e tanaki ia ni koloa kiate ia, kae e leaise mou koloa a ia i mua o le Atua.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Luka 8:14

Ko leia e vilo ki loto o le vao talatala, ko latou ala, i le logo ki le folafola, na ano, o tuku a ia ke taotao e tuania, mo koloa, mo fiafia o le mauli, ti e leaise lotou maua se fua leia e kaku o matua.

Gaoi 8:18

Ko Simone, i lana tio kua soli le Laumalie Maokioki i le teki o lima o apositolo, na aumai loa kia laua se paaga, o pati :

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 2:6

Kae ko se poto leia e motou fakasa ia latou ala e saosaoa, poto leia e leaise au mei le sekulo leinei, pe mei pule o le sekulo leinei, ala ka maumaui loa.

Uluaki tosi ki le kau Kolinto 2:8

Poto leia na leaise iloa e se tasi fua o le kau pule o le sekulo leinei, talie, kanapau na lotou iloa a ia, na leaise lotou tutuki loa i le koluse le Aliki o le kololia.

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Lua tosi kia Timoteo 4:10

talie kua tiaki au e Temasi ; kua alofa a ia ki le malama nei, ti kua ano a ia ki Tesalonika ; ko Kelesenesio ki Kalatia, mo Tito ki Talamasia.