Mateo 13:11 - Tosi Tapu

¹¹ Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Mateo 13:11 Iomraidhean Croise

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 29:11

Kua fai le levelasio katoa kia koutou pe ni kupu o se tosi kua fakamau, Lei e soli ki se tagata poto i le lautosi, o pati kiate ia : Lau le nea lena ! Kae tali a ia : E leaise kau mafai a ia, Talie kua fakamau a ia.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Mateo 13:10

Na fakafeofi ake loa le kau tisipulo kiate ia, o pati : Kolea e ke masau ai kia latou i ni folafola fakatata ?

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 19:11

Na tali loa Sesu kia latou : E leaise matala tagata fuli ki le folafola lena, kae gato fai kia latou ala kua tuku ki ai le nea lena.

Mateo 20:23

Na tali loa Sesu kia latou : E maoki e kotou inu loa loku ipu ; kae ki le tonatona i loku fetuu atamai mo loku fetuu sema, e leaise fakalogo a ia kiate au, ti e tuku a ia e loku Tamana kia latou fai ala kua taofi ki ai.

Maleko 10:40

kae ki le ekeeke i loku fetuu atamai pe ko loku fetuu sema, e leaise fakalogo a ia kiate au, ti e tuku fai a ia kia latou ala kua taofi ki ai le nea lena.

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Luka 8:10

Na tali loa Sesu : Kua tuku atu kia koutou ke kotou iloa a misitelio o le Puleaga o le Atua ; kae kia latou ake ala, kua fakasa a ia i ni folafola fakatata, o tupu ke lotou tio mata kae aua na lotou tio fua, ti ke lotou logo taliga kae aua na lotou matala fua.

Soane 6:65

Ti na toe pati loa a ia : Ko le tupuaga lena o laku pati atu kia koutou e leaise feala ke au se tasi kiate au mo kapau e leaise soli le nea lena kiate ia e le Tamana.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 15:51

Ko leinei, e kau fakasa kia koutou se misitelio : E leaise tou mamate fuli loa, kae e tou fetogi fuli loa,

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Uluaki tosi ki le kau Kolinto 2:7

Kae e ma fakasa le poto fakafufu o le Atua, leia e fufu ki le tagata, kae na fakatuutuu e le Atua, i mua o le fakatupu o le malama nei, ki lotatou kololia,

Uluaki tosi ki le kau Kolinto 4:1

Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Uluaki tosi ki le kau Kolinto 4:7

Talie ko ai e fakakese ia a koe ? Kolea e ke maua na leaise ke tali ? Ti kapau na ke tali le nea lena, kolea e ke fakakololia ai, o sakinake na leaise ke tali a ia ?

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Efeso 5:32

E lasi ai le misitelio lena ; e kau fakasa le nea lena o uiga mo Kilisito ti mo le Ekelesia.

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Uluaki tosi kia Timoteo 3:9

kae ke lotou taupau a koloa fakafufu o le tui i se loto mea.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.