Mateo 12:7 - Tosi Tapu

⁷ Kanapau na kotou iloa le uiga o le nea leinei : E kau maua loku fiafia i le manavaalofa, kae leai i ni sakilifisio, na leaise kotou tautea loa ni kakai saosaoa.

Mateo 12:7 Iomraidhean Croise

Sopo 32:3

Ti na toe ita foki a ia ki ona kaukaunea e toka tolu, talie na leaise lotou maua se tali kia Sopo kae na lotou fakalakasala a ia.

Pesalemo 109:31

Talie e tuu a ia i le fetuu atamai o le tagata mativa, O saofaki a ia ia latou ala e fakamaau ia a ia.

Pesalemo 94:21

E lotou fakatasi ki le mauli o le tagata agatonu, Ti e lotou tautea noa le tagata saosaoa.

Taagapati 17:15

Ko leia e fakamolemole ki le tagata na sala ti mo leia e fakatua ia le tagata na leaise sala E fakalialia toka lua ki mata o le Eteleno.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Gaoi 13:27

Kae na leaise iloa loa Sesu e le kakai o Selusalemi ti mo olatou pule, talie na leaise lotou matala foki ki folafola a le kau polofeta ala e lau i aso sapato fuli ; koia na lotou fakamaoki ai loa ki folafola ana, o fakatuaa Sesu ki le mate.

Sakopo 5:6

Kua kotou fakalakasala mo tukipooi le Agatonu, leia na leaise taofi ia koutou.

Sosue 5:5

Kae na leai fua se silikosisio se fa toka tasi i tamaliki tagata fuli ala na tupu i le lolotoga o le fanoga i le toafa : Koia na tonu ai ke fai e Sosue le nea lena.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.