Mateo 12:6 - Tosi Tapu

⁶ Kae e kau pati atu kia koutou, e i ai se tasi i leinei e lasi ake i le fale tapu.

Mateo 12:6 Iomraidhean Croise

Lua tosi o Koloniko 6:18

Pe feala koia ke nofo maoki le Atua mo le tagata i le kele ? Ko leinei, e leaise o fua a ia i le lagi mo le lagi o atu lagi : Ti e feaki ake loa ke o a ia i le fale leinei kua kau fakatuu !

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 12:5

Pe na leikiaise kotou lau i le lao, i aso sapato, e maumaui e le kau tagata faisakilifisio le sapato i le loto fale tapu, kae e leaise lotou sala ?

Kolose 2:9

Talie e nofo fakatino iate ia le apeleaga katoa o le Atua.