Mateo 12:45 - Tosi Tapu

⁴⁵ Ti e ano a ia, o aumai ni iki ake laumalie veli e fitu ala e itaita ake iate ia ; ti e lotou ulu ki le fale, o nonofo i ai, ti e veli ake loa le mauli fakamuli o le tagata lena i le uluaki. E toe fenaaki loa le tautupu agaveli leinei.

Mateo 12:45 Iomraidhean Croise

Levitiko 13:20

Ti e tioi loa e le tagata faisakilifisio le koga masaki : ti kapau e maua loa e ia se pu i le kili ti kapau kua tea a fulu, e fakasa loa e le tagata faisakilifisio e kelekele le tagata lena ; ko le kilia lena kua sa i le tuuaga o le fagafoa.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 12:44

E pati loa a ia : E kau toe liliu loa ki loku fale leia na kau mavae mei ai ; ti i lana kaku ki ai, e maua e ia le fale kua tuu lavaki, kua seu, ti kua teuteui.

Mateo 17:21

Ti koi mavae le faasiga temonio lena i le faikole mo le sesunio.

Mateo 23:15

Malaia kia koutou, kau sekelipa mo kau faliseo malualoi ! Talie e kotou makape saele i le tai mo le kele o afa se tasi ke tafoki atu kia koutou ; ti ka tafoki loa se tasi, e kotou fakaliliu loa a ia ko se vosa o Ifeli o tua lua ake lona veli ia koutou.

Mateo 23:24

Kau takitaki kivi ! E kotou sau le nono kae kotou folo le kamelo.

Maleko 16:9

Na toe tuuake Sesu i le usu o le uluaki aso o le vasaa, ti na uluaki sa loa a ia kia Malia mei Maketala, leia na kapu ai e ia ni temonio e fitu.

Maleko 5:9

Ti na vesili loa Sesu kiate ia : Ko ai lou igoa ? Na tali loa a ia kia Sesu : Ko loku igoa ko Lesio, talie e motou toka api.

Luka 11:26

Ti e ano loa a ia o taki mai ni iki ake laumalie e fitu ala e agaveli ake iate ia ; ti e lotou ulu loa ki le fale o nonofo i ai, ti e veli oki ake loa le mauli fakamuli o le tagata lena i le uluaki.

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.