Mateo 12:2 - Tosi Tapu

² Na tio le kau faliseo ki le nea lena, ti na lotou pati loa kia Sesu : Ko leinei, e fai e au tisipulo le nea leia e leaise taga ke fai i le sapato.

Mateo 12:2 Iomraidhean Croise

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Ekesote 35:2

E gaoi loa i aso e ono ; kae ko le fitu o aso ko se nea tapu loa a ia kia koutou ; ko le sapato a ia, ko le aso malolo, leia na fakatapu ki le Eteleno. Ko le tagata leia e fai ia loa se gaoi i le aso lena, e tautea loa a ia ki le mate.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Mateo 12:10

Ti na nofo i ai se tagata lima mate. Na lotou vesili loa kia Sesu : Pe taga ke fakamauli se tasi i le aso sapato ? Na lotou fai le vesili lena ke fakalakasala ai a ia.

Mateo 12:3

Kae na tali loa Sesu kia latou : Pe na leaise kotou lau le nea leia na fai e Tavite, i le aso leia na fia kai ai a ia mo latou ala na nonofo mo ia ;

Maleko 2:24

Na pati loa le kau faliseo kia Sesu : Kolea e lotou fai ai le nea leia e leaise taga i le aso o le sapato ?

Luka 14:3

Na masau loa Sesu, o vesili ki le kau toketa o le lao mo le kau faliseo : Pe taga ke fakamauli se tasi i le aso o le sapato, pe leai ?

Luka 23:56

Ti na lotou liliu loa, o teuteui ni nea fakamanogi ti mo ni lolo takai. Ti na lotou malolo loa i le aso o le sapato o mulimuli ki le lao.

Luka 6:2

Na pati loa ni kau faliseo kia latou : Kolea e kotou fai ai a nea ala e leaise taga ke fai i le aso o le sapato ?