Mateo 12:14 - Tosi Tapu

¹⁴ Na ulu loa le kau faliseo ki fafo, ti na lotou fonofono loa ki se puleaki ke tamate ai Sesu.

Mateo 12:14 Iomraidhean Croise

Mateo 26:4

ti na lotou fono loa ke too fakapikoi Sesu o tamate.

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Maleko 14:1

Koi toe ni aso e lua ki le aso o le Pasikate mo pane sala fakatupu. Na afa loa e le kau pule faisakilifisio mo le kau sekelipa, ni puleaki ke too ai Sesu, o tamate.

Maleko 3:6

Na ulu loa le kau faliseo ki fafo, i le lakaga fai lena, ti na lotou fono loa mo le kau Elote ke tamate Sesu.

Luka 22:2

Na afa e le kau faisakilifisio pule mo le kau sekelipa ni puleaki ke tamate Sesu ; kae na lotou i ki le kakai.

Luka 6:11

Kae na lotou apele loa i le ita, ti na lotou fakakaukau loa pe kolea ke lotou fai kia Sesu.

Soane 10:31

Na toe too loa e le kau Sutea ni fatu ke tuki fatui a ia.

Soane 10:39

I le nea lena, na lotou toe afa loa ke too a ia ; kae na mavae loa a ia mei olatou lima.

Soane 11:53

Talu mei le aso lena, na lotou tonu tasi loa ke tamate a ia.

Soane 11:57

Talie kua fai e le kau pule faisakilifisio mo le kau faliseo se fakatotonu, kapau e iloa e se tasi le ganea leia e nofo ai a ia, ti ke fakasa e ia, o tupu ke too a ia.

Soane 5:18

Koia na toe asilisili faiga ai le kau Sutea ke tamate a ia, o leaise tupu fua na maumaui e ia le sapato, kae na pati a ia ko le Atua ko lona Tamana totonu, o fakatatau a ia ki le Atua.

Soane 7:30

Na lotou afa loa ke too a ia, kae na leaise fafa loa le lima o se tasi kiate ia, talie na leikiaise soko lona ola.

Soane 7:32

Na logo loa le kau faliseo ki mumusu a le kakai ki nea ana o uiga mo ia. Ti na kakau loa e le kau pule faisakilifisio mo le kau faliseo se kau tagata fakasausau, ke lotou too a ia.

Soane 7:44

Na loto ni iki o latou ke too a ia, kae na leaise se fafa loa le lima o se tasi kiate ia.

Soane 8:59

I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.