Mateo 11:27 - Tosi Tapu

²⁷ Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 11:27 Iomraidhean Croise

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 10:15

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

Soane 13:3

ti kua iloa e Sesu kua tuku e le Tamana a nea fuli ki ona lima, ti na au a ia mei le Atua, ti ka toe liliu a ia ki le Atua,

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 6:46

Ti e leai se tasi leia kua tio ki le Tamana, gato tasi ki leia e au mei le Atua ; ko ia lena na tio ki le Tamana.

Soane 7:29

Ko au, e kau iloa a ia, talie e kau au meiate ia, ti ko ia leia na kakau ia mai au.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Uluaki tosi a Soane 2:23

Ko leia e fakafiti ki le Alo e leaise maua foki e ia le Tamana ; ti ko leia e fakasa ia i le kaugamalie e kau a ia ki le Alo, e maua foki e ia le Tamana.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.