Mateo 11:23 - Tosi Tapu

²³ Ti ko koe, Kafanaume, pe ke malaga loa o kaku ki lagi ? E leai, e tuku loa a koe ki lalo, o kaku ki le nofoaga o le kau mate ; talie kanapau na fai i Sotoma a milakulo ala na fai i loto malie o ou, koi tuu nei a ia i le aso nei.

Mateo 11:23 Iomraidhean Croise

Senesi 13:13

Na agaveli le kakai o Sotoma, mo agasala lasi ki le Eteleno.

Tagi laulau a Selemia 2:1

Oiau, kua ufiufi e le Eteleno ki ni ao le taine o Sione i lona sausau ! Na fakaifo e ia mei le lagi ki le kele le kololia o Iselaele ! Na leaise manatui e ia lona tekiaga vae, I le aso o lona sausau !

Esekiele 26:20

E kau ti loa a koe ki lalo mo latou ala kua ifo ki le popoko, Ki le kakai o le temi mua, E kau tuku loa a koe ki potu loloto o le kele, Ki potu lavaki lee gato, I tafa o latou ala kua ifo ki le popoko, O tupu ke aua na toe nofoi a koe ; Ti e kau taupau loa le kololia ki le fenua o le kau mauli.

Esekiele 31:14

O tupu ke aua na toe malaga ki aluga taulu o laakau fuli ala e tuu i tafatafa o le vai, Ti ke aua na toe masiki olatou tumutumu i laakau o le vaomatua, Ti ke aua na toe taualuga a sene fuli ala e fakavai tuumau. Talie kua tuku ki le mate a nea fuli mo fanau a le tagata, Ti e lotou ifo loa ki le loloto o le kele, Mo latou ala e ifo ki le popoko.

Esekiele 32:18

Vosa o le tagata, Fai se tagi laulau ki le kakai api o Esipito, ti ke ti a ia ki le loloto o le kele, A ia mo taineliki o atu puleaga makeke, Ki potu loloto o le kele, Mo latou ala e ifo ki le popoko !

Esekiele 32:24

I lena e i ai Elame, mo lana solia katoa ; E takatakai lona tanuma e lana kau solia, Ala na tamate fuli e le seleta ; Kua lotou ifo fuli ki potu loloto o le kele, Latou ala na liligi ia le i i le fenua o le kau mauli ; Ti kua lotou amo ia lolatou luma kia latou ala kua ifo ki le popoko.

Apetiasi 1:4

Pe ke fakatuu ia loa lou ofaga o taualuga ofaipe leia o le akuila, Pe ke fakatuu loa a ia i lotolotoga o fetuu, E kau ti loa a koe mei ai ki lalo, e pati le Eteleno.

Mateo 10:15

E kau pati maoki atu kia koutou : I le aso o le fakamaau, e tautea loa le fenua o Sotoma mo Komola o maamaa ake i le kolo lena.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 17:24

I lalatou kaku ki Kafanaume, ko latou ala na tae ia a fa talame e lua na masau loa kia Petelo, o pati kiate ia : Pe se ui e lokoutou pule a fa talame e lua ?

Mateo 4:13

Na leaise nofo loa a ia i Nasaleti, kae na ano loa a ia o nofo i Kafanaume, leia na tuu i le kauvai o le tai o Kalilea, i le fenua o Sapulone mo Nefetali,

Mateo 8:5

I le ulu a Sesu ki le kolo ko Kafanaume, na fakatuu loa a ia e se setulio,

Luka 10:15

Ti ko koe, Kafanaume, pe ke malaga loa o kaku ki le lagi ? E tuku loa a koe ki lalo o kaku ki le nofoaga o le kau mate.

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Luka 16:23

I le nofoaga o le kau mate, na mamae lasi ai le tagata mou koloa ; ti na siki ake loa e ia ona mata ki aluga, ti na tio loa a ia mei mamao kia Apalaamo, ti mo Lasalo i ona tafa.

Luka 4:23

Na pati loa Sesu kia latou : E lagi kotou fai mai loa kiate au le taagapati leinei : Toketa, fakamauli mua e koe a koe totonu ; ti e kotou pati mai loa kiate au : Fai i leinei, i lou kolo totonu, a nea fuli ala na motou logo na ke fai i Kafanaume.

Gaoi 2:27

Talie e leaise ke tuku loa loku laumalie i le nofoaga o le kau mate, Ti e leaise ke fakataga loa ke pala le tino o lou Sagato.

Gaoi 2:31

ko le toe tuuake lena o le Kilisito na fakasa kiate ia, ti na tio a ia ki ai, ti kua fakasa fakatomua e ia, i lana pati : e leaise tuku loa e ia a ia i le nofoaga o le kau mate ti e leaise tio loa lona tino ki le pala.

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Apokalipisi 11:8

Ti e tuku loa ola tino i le malae o le kolo lasi, leia e igoa fakatata ko Sotoma mo Esipito, i le ganea leia na tutuki ai i le koluse lola Aliki.

Apokalipisi 20:13

Ti na tuku ake loa e le tai a kau mate ala na maua e ia. Ti na tuku ake loa e le mate mo le nofoaga o le kau mate a kau mate ala na la maua ia. Ti na fakamaaui loa le tagata taki toka tasi o mulimuli ki ana gaoi.

Apokalipisi 6:8

Ti na kau tio loa, ti ko leinei, na sa mai loa se osi sega fakapouli. Ti ko leia na eke i ai na igoa ko le mate, ti na muli iate ia le nofoaga o le kau mate. Ti na tuku loa kia laua le pule ki le vaega fa o le malama nei, ke la tamate a tagata ki le seleta, mo le oge, mo le masaki, ti mo manu fekai o le kele.