Mateo 11:22 - Tosi Tapu

²² Koia, e kau pati atu ai kia koutou : I le aso o le fakamaau e tautea loa a Tile mo Sitone, o maamaa ake ia koutou.

Mateo 11:22 Iomraidhean Croise

Selemia 25:22

Ki sau fuli o Tile, mo sau fuli o Sitone, Ti mo sau fuli o atu motu o leia fetuu o le tai ;

Selemia 27:3

Fakamomoli latou ki le sau o Etome, mo le sau o Moape, mo le sau o fanau o Amone, mo le sau o Tile, mo le sau o Sitone, i le lima o ni tagata avelogo ala na au ki Selusalemi kia Setesiasi, sau o Suta ;

Esekiele 29:18

Vosa o le tagata, ko Nepukatenesale, sau o Papilone, Na tuku ki lana solia ke fai ia se gaoi faigataa ki Tile ; Kua tula fuli a ulu, Kua makolokolo fuli a tuauma ; Kae na leaise maua e ia se totogi i Tile, e ia mo lana kau solia, O uiga mo le gaoi leia na fai e ia ki Tile.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Mateo 10:15

E kau pati maoki atu kia koutou : I le aso o le fakamaau, e tautea loa le fenua o Sotoma mo Komola o maamaa ake i le kolo lena.

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Mateo 11:24

Koia, e kau pati atu ai kia koutou : I le aso o le fakamaau, e tautea loa le fenua o Sotoma, o maamaa ake iate koe.

Mateo 12:36

E kau pati atu kia koutou : I le aso o le fakamaau, e tio loa a tagata ki fua o masau vaiga fuli ala na lotou fai.

Luka 10:14

Koia, i le aso o le fakamaau, e tautea ai loa a Tile mo Sitone o maamaa ake ia koulua.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Uluaki tosi a Soane 4:17

Kapau e malie tukupau le alofa ia tatou, ti e tou apele loa i le loto toa i le aso o le fakamaau, talie e tatau lotatou mauli i le malama nei mo le mauli o Sesu-Kilisito.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.