Mateo 10:36 - Tosi Tapu

³⁶ ti e maua loa e le tagata ona fili i le kakai o lona fale.

Mateo 10:36 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Lua tosi a Samuele 16:11

Ti na pati loa Tavite kia Apisai mo ana tagata fakasausau fuli : Ko leinei, ko loku vosa, leia na ifo mei oku tootooga, e afa ki loku mauli ; ti e feaki ake loa le tagata lena o Pesamino ! Tuku a ia ke fakamalaia, talie kua pati le Eteleno kiate ia.

Pesalemo 41:9

E veli lona masaki, Ko lena kua moe a ia i lalo, e leaise toe tuu loa a ia ki aluga !

Pesalemo 55:13

E leaise ko se fili leia e lauveli kiate au, e kau kataki loa a ia ; Ti e leaise ko leia e fakafesagai mai kiate au e agatuu mai kiate au, e kau mumuni loa i ona mua.

Esaia 19:2

E kau soli loa ni masafu ki le tagata Esipito ke tau ki le tagata Esipito, Ti e tau loa le taina ki lona taina, le kaukau nea ki lona kaukau nea, Le kolo ki le kolo, le puleaga ki le puleaga.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Mikea 7:6

Talie e lauveli le vosa ki le tamana, E malaga le taine ki lona tinana, E agatuu le fugao ki lona tinana ; Ko le fili o le tagata ko le kakai o lona fale.

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Soane 13:8

Na pati loa Petelo kiate ia : Leai, e leaise ke fufulu loa oku vae. Na tali loa Sesu kiate ia : Kapau e leaise kau fufulu a koe, ti e leaise ke kau loa mo au.

Uluaki tosi a Samuele 17:28

Na logo loa Eliape, lona taokete, ki masau a Tavite ki tagata ana, ti na itaita ai a ia kia Tavite. Ti na pati loa a ia : Kolea na ke ifo mai ai, ti na ke tuku kiate ai le ga kau manu i le toafa ? E kau iloa lou fia nealasi mo le veli ai o lou loto. Talie ko lou fia tio fai leia ki le tau kua ke ifo mai ai ki leinei.