Mateo 10:2 - Tosi Tapu

² Ko nei igoa o le kau apositolo e tino agafulu tupu lua. Ko le uluaki, ko Simone, na igoa ko Petelo, ti mo Atelea, lona taina ; mo Sakopo, vosa o Sepeteo, ti mo Soane, lona taina ;

Mateo 10:2 Iomraidhean Croise

Mateo 17:1

Na sili loa ki ai ni aso e ono, ti na vaei loa e Sesu a Petelo, mo Sakopo, mo Soane, lona taina, ti na ave loa e ia latou ki se mauga taualuga.

Mateo 20:20

Na fakafeofi ake loa le tinana o vosa o Sepeteo kia Sesu mo ona tamaliki, ti na tulolo a ia, o fai kia Sesu se kole.

Mateo 26:37

Na too loa e Sesu a Petelo mo vosa e lua o Sepeteo, ti na kamata logoi loa e ia se mamae mo ni mafaia veli.

Mateo 4:18

I lana saele i le mata tai o Kalilea, na tio loa a ia ki se tautaina, ko Simone, leia na igoa ko Petelo, mo Atelea, lona taina, ala na fola ia se kupega i le tai ; talie ko ni tagata tautai laua.

Mateo 4:21

Ti na ano loa a ia mei ai, ti na tio loa a ia ki se tasi tautaina, ko Sakopo mo lona taina ko Soane, vosa o Sepeteo, ala na nonofo i se vaka mo Sepeteo, lola tamana, ti na lotou onoono olatou kupega.

Maleko 1:29

I le mavae i le sinakoka, na lotou ano loa mo Sakopo mo Soane ki le fale o Simone mo Atelea.

Maleko 13:3

Na tonatona loa a ia i le mauga o Oliveto, i mua o le fale tapu. Ti ko Petelo, mo Sakopo, mo Soane, ti mo Atelea, na fai ia loa kiate ia le vesili leinei, i lolatou tefua mo Sesu :

Maleko 6:30

Na fakatasi mai loa le kau apositolo kia Sesu, ti na lotou fakamatala loa kiate ia a nea fuli ala na lotou fai ti mo nea fuli ala na lotou akonaki ki ai.

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Luka 22:14

Kua tatae loa le ola, ti na eke loa Sesu i le laupapa kai mo le kau apositolo.

Luka 22:8

Ti na kakau loa e Sesu a Petelo mo Soane, o pati : Kolua ano o teuteui mai kia tatou le Pasikate ke tou kai a ia.

Luka 5:10

Na tatau foki mo Sakopo, mo Soane, vosa o Sepeteo, ko kau fai feua o Simone. Na pati loa Sesu kia Simone : Aua na ke i, e ke liliu maoki loa ko se tagata tautai tagata.

Luka 9:10

Na toe liliu mai loa le kau apositolo, o fakamatala kia Sesu a nea fuli ala na lotou fai. Ti na taki loa e ia latou, ke ano ki se ganea lavaki, i le fetuu o se kolo na igoa ko Petesaita.

Soane 12:22

Na ano loa Filipo o fakasa le nea lena kia Atelea, ti na fakasa loa a ia e Atelea mo Filipo kia Sesu.

Soane 13:23

Na fafanaki ki le fatafata o Sesu se tasi o ana tisipulo, leia na alofa ki ai a Sesu.

Soane 20:2

Na makape loa a ia kia Simone Petelo mo le tisipulo leia na alofa ki ai Sesu, o pati kia laua : Kua lotou too le Aliki mei le tanuma, ti e leaise motou iloa pe kua lotou tuku a ia kifea.

Soane 21:2

Ko Simone Petelo, mo Tomasi leia na igoa ko Titime, mo Natanaele mei Kana i Kalilea, mo vosa o Sepeteo, ti mo ni iki ake tisipulo e toka lua a Sesu, na fakatasi.

Soane 21:20

Ti na mafuli loa ki muli Petelo, o tio e au i ola muli le tisipulo leia na alofa ki ai Sesu, leia na punou ki le fatafata o Sesu i le lolotoga o le kai afiafi, o pati : Aliki, ko ai leia e fakatau ia loa a koe ?

Soane 21:24

Ko le tisipulo a ia leia e fakamaoki ki nea ana, ti na tosi ia latou. Ti e tou iloa e maoki lana fakamaoki.

Soane 6:67

Na pati loa Sesu ki le tino agafulu tupu lua : Ti ko koutou, pe leaise kotou fia ano foki mo koutou ?

Soane 6:70

Na tali loa Sesu kia latou : Pe leaise ko au leia na filifili ia koutou, koutou ko le tino agafulu tupu lua ? Ti ko se tasi ia koutou ko se temonio !

Soane 6:71

Na masau a ia o uiga mo Sutasi Isekaliote, vosa o Simone ; talie ko ia leia na tonu ke fakatau ia Sesu, a ia ko se tasi o le tino agafulu tupu lua.

Soane 6:8

Ko se tasi o ana tisipulo ko Atelea, taina o Simone Petelo, na pati loa kiate ia :

Gaoi 1:13

I lalatou kaku ki Selusalemi, na lotou pale loa ki le kogafale i le fata leia na lotou nonofo masani ai ; ko Petelo, mo Soane, mo Sakopo, mo Atelea, mo Filipo, mo Toma, mo Patolomeo, mo Mateo, mo Sakopo vosa o Alefeo, mo Simone ko le Selote, ti mo Suta, vosa o Saakopo.

Gaoi 1:26

Na lotou toso loa, ti na vilo loa le filifili kia Mateasi, leia na kau loa ki le kau apositolo e tino agafulu tupu tasi.

Gaoi 12:2

ti na tamate loa e ia ki le seleta a Sakopo, taina o Soane.

Gaoi 3:1

Na pale fakatasi Petelo mo Soane ki le fale tapu, i le ola o le faikole : Ko le ola tolu lena o le sili lalatea.

Uluaki tosi ki le kau Kolinto 15:7

Ti na sa loa a ia kia Sakopo, ti mo la ake apositolo fuli.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Lua tosi a Soane 1:1

Ko au ko le tagata fakamatuatua, kia Kilia ko le fafine filifiliia ti mo ana fanau, ala e kau alofa ki ai i le maoki, ti e leaise ko au fua leia e alofa kia latou, kae ko latou fuli foki ala e iloa ia le maoki,

Tolu tosi a Soane 1:1

Ko le tagata fakamatuatua, kia Kaiusi, ko le alofaaga, leia e kau alofa ki ai i le maoki.

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 22:8

Ko au Soane, leia na logo mo tio ki nea anei. Ti i laku logo mo tio, na kau fakamapee loa ki lalo i vae o le aselo leia na fakasa ia mai kiate au a nea anei, ke kau su kiate ia.