Mateo 10:16 - Tosi Tapu

¹⁶ Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 10:16 Iomraidhean Croise

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Senesi 3:13

Ti na pati loa le Eteleno Atua ki le fafine : Kolea na ke fai ai le nea lena ? Na tali loa le fafine : Na kakaai au e le gata, o kau kai loa ki le fua o le laakau.

Neemia 4:13

Koia na kau fakatuu ai loa i muli o le paa fatu, i ni ganea taualuga kae na munia ki le fili, le kakai i famili ; ti na lotou tasi nonofo mo lana seleta, mo lana tao, ti mo lana kalolo.

Selemia 40:16

Ti na tali loa Ketalia, vosa o Asikame, kia Sokanane, vosa o Kalease : Aua na ke fai le nea lena ; talie e sala le nea leia e ke pati ki ai o uiga mo Isemaele.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Mateo 24:25

Ko leinei, kua kau fakasa fakatomua a ia kia koutou.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 25:2

Na valelea le toka lima o latou, ti na popoto le toka lima.

Mateo 25:4

Kae na too loa e le kau popoto olatou malala, mo se lolo i ni ipu.

Mateo 25:9

Na tali loa le kau popoto : Leai ! e leaise feauga loa kia matou mo koutou ; kotou ano ki le kau fakatau lolo, o totogi mai se lolo kia koutou.

Luka 10:3

Kotou ano ! Ko leinei, e kau kakau koutou ofaipe ni akeno ki loto malie o ni lupo.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Gaoi 20:29

E kau iloa, i le oki o laku mavae, e ulu mai loa kia koutou ni lupo fekai, ala e leaise mamae loa ki le kau manu ;

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 8:20

E ma fai fenaaki, o tupu ke aua na lauveli se tasi kia maua o uiga mo le nea alofa lasi lena e ma tokaga ki ai.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 4:5

Kotou saele tokaga kia latou ala e nonofo i fafo, ti kotou totogi le temi.

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Uluaki tosi ki le kau Tesalonika 5:22

kotou fakamamao mei nea fuli e veli.