Mateo 10:14 - Tosi Tapu

¹⁴ Kapau e leaise fakatalitali loa koutou ti e leaise fakalogo loa ki akoutou folafola, kotou mavae i le fale lena pe i le kolo lena, ti kotou tutuui le efu i okoutou vae.

Mateo 10:14 Iomraidhean Croise

Neemia 5:13

Ti na kau tutuui loa loku taupulupulu, o pati : Ke tuui feneeki loa e le Atua a tagata fuli mei lona fale mo ona koloa, leia e leaise fai loa ki le nea kua pati ki ai, ke tuui feneeki a ia, ti ke nofo mativa a ia ! Ti na pati loa le fakatasiga katoa : Amene ! Na lotou fakafetai loa ki le Eteleno, ti na fai loa e le kakai o mulimuli ki lalatou fakapapau.

Mateo 10:13

ti kapau e tali a ia e le loto fale lena, ti ke ifo lokoutou tokamalie ki le loto fale lena ; kae kapau e leaise tali a ia e le loto fale lena, ti ke toe liliu mai lokoutou tokamalie kia koutou.

Mateo 18:5

Ti ko leia e tali ia i loku suafa se ga toe ikiiki ofaipe ia leinei e tali ia au totonu.

Maleko 6:11

Ti kapau e i ai i se ganea ni kakai ala e leaise tali ia koutou pe leaise fia logo kia koutou, kotou mavae i ai, ti kotou tutuui le efu i okoutou vae, o tupu ke liliu le nea lena ko se fakamaoki kia latou.

Maleko 9:37

Ko leia e tali ia i loku suafa se tasi o toe liliki anei, e tali e ia a au totonu ; ti ko leia e tali ia a au, e leaise ko au fua leia e tali e ia, kae ko leia foki na kakau ia mai au.

Luka 9:48

ti na pati loa a ia kia latou : Ko leia e tali ia i loku suafa le ga toe leinei e tali e ia a au totonu ; ti ko leia e tali ia a au e tali ia leia na kakau ia mai au. Talie ko leia e ikiiki ia koutou fuli, ko ia leia e lasi.

Luka 9:5

Ti kapau e leaise tali koutou e le kakai, kotou mavae mei le kolo lena, ti kotou tutui le efu i okoutou vae, ko se fakamaoki a ia kia latou.

Soane 13:20

E maoki, e maoki, e kau pati atu kia koutou, ko leia e tali ia leia e kau kakau ia loa, e tali e ia au ; ti ko leia e tali ia au, e tali e ia leia na kakau ia mai au.

Gaoi 13:51

Na tutui loa kia latou e Paulo mo Palenapa le efu o ola vae, ti na la ano loa ki Ikone,

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.