Mateo 10:1 - Tosi Tapu

¹ Ti na kalagai loa e ia ana tisipulo e tino agafulu tupu lua, ti na tuku loa e ia kia latou le pule ke kapu ia a laumalie veli, ti mo fakamauli ia a masaki mo maimoa fuli.

Mateo 10:1 Iomraidhean Croise

Mateo 19:28

Na tali loa Sesu kia latou : E kau pati maoki atu kia koutou, i le aso leia e eke ai loa le Vosa o le tagata ki le ekeekeaga fakasau o lona kololia, i le fakafoou o nea fuli, ko kotou ala na muli mai iate au e kotou ekeeke loa i ni ekeekeaga fakasau e kau agafulu tupu lua, ti e kotou fakamaui loa a faasiga e kau agafulu tupu lua o Iselaele.

Mateo 26:20

I le afiafi, na eke loa a ia ki le laupapa mo le tino agafulu tupu lua.

Mateo 26:47

Koi lolotoga lana masau, ko leinei Sutasi, ko se tasi o le tino agafulu tupu lua, na kaku mai loa, ti mo se kakai toka api ai, mo ni seleta ti mo ni laakau, na kakau mai latou e le kau pule faisakilifisio ti mo le kau fakamatuatua o le kakai.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Mateo 9:35

Na feanoaki Sesu i kolo lalasi fuli mo kolo liliki, o akonaki i sinakoka, mo fakasa le logo malie o le puleaga, ti mo fakamauli a masaki fuli ti mo maimoa fuli.

Mateo 9:38

Kotou kole ki le pule o le fuata ke kakau ni tagata gaoi ki lana fuata.

Luka 10:19

Ke kotou iloa na kau tuku kia koutou le makeke ke takatakafi ai a gata, mo sekolopio, ti mo le makeke katoa o le fili ; ti e leaise mafai loa ke fakavelii koutou e se nea.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Luka 6:13

I le mafoa ake o le ao, na kalagai loa e ia ana tisipulo, ti na filifili loa e ia se tino agafulu tupu lua ia latou, ala na tuku loa e ia ki ai le igoa ko apositolo :

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 6:70

Na tali loa Sesu kia latou : Pe leaise ko au leia na filifili ia koutou, koutou ko le tino agafulu tupu lua ? Ti ko se tasi ia koutou ko se temonio !

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 19:15

Kae na tali loa le laumalie veli kia latou : E kau iloa Sesu, ti e kau iloa pe ko ai Paulo, kae ko koutou, ko ai ma koutou ?

Apokalipisi 12:1

Na sa loa se fakamailoga lasi i le lagi : Ko se fafine kua kofu ki le laa, mo le masina i lalo o ona vae, ti mo se pala o ni fetuu e kau agafulu tupu lua i lona ulu.