Mateo 1:21 - Tosi Tapu

²¹ E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 1:21 Iomraidhean Croise

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 17:21

Kae ko laku sai, e kau fai loa a ia mo Isaake, leia e fanaui loa e Sala kiate koe i le temi totonu leinei o le fetuu ka au.

Senesi 18:10

Na pati loa se tasi o latou : E kau toe liliu mai loa kiate koe i le temi totonu leinei o le fetuu ka au ; ti ko leinei, e maua loa e lou avaga ko Sala se vosa. Na fakalogologo a Sala i le matapa o le falela leia na tuu i muli o Apalaamo.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 1:25

Kae na leaise iloa e Sosefo a Malia o kaku ki le fanaui e Malia se tama, leia na tuku ki ai e Sosefo le igoa ko Sesu.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:31

Ti ko leinei, e ke tinae loa, ti e ke fanaui loa se tama, ti e ke soli loa kiate ia le igoa ko Sesu.

Luka 2:11

I le aso nei, i le kolo o Tavite, kua tupu kia koutou se Fakamauli, leia ko Kilisito, ko le Aliki.

Luka 2:21

Na soko loa le valu o aso, leia na tonu ke silikosisio ai le toe, ti na tuku loa kiate ia le igoa ko Sesu, igoa leia na fakasa e le aselo i mua o le fakatupu o le toe i le manava o lona tinana.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 4:42

ti na lotou pati loa ki le fafine : E leaise motou tui o tupu ko nea ala na ke pati ki ai ; talie kua motou logo tonu kiate ia, ti kua motou iloa ko le fakamauli maoki a ia o le malama nei.

Gaoi 13:23

Ti kua fakanofo e le Atua ki Iselaele i le sakoga o Tavite se fakamauli ko Sesu, o mulimuli ki lana fakapapau.

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.

Tuifakamaau 13:3

Na sa loa le aselo o le Eteleno ki le fafine, o pati kiate ia : Ko leinei, e ke paa, ti na leaise ke maua sau fanau ; e ke faitoe loa ti e ke fanaui loa se tama.

Uluaki tosi a Samuele 1:20

I le fetuu lena, na tinae loa a Ana, ti na fanaui loa e ia se tama, leia na fakaigoa loa e ia ko Samuele, talie na pati loa a ia : Na kau kole a ia ki le Eteleno.