Mateo 1:20 - Tosi Tapu

²⁰ Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 1:20 Iomraidhean Croise

Senesi 31:11

Ti na pati mai loa le aselo o le Atua kiate au i le moe : Sakopo ! Na kau tali : Ko leinei au !

Senesi 46:3

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Uluaki tosi o Sau 17:13

Na pati loa Elia kiate ia : Aua na ke i, ulu ki fale, ti ke fai le nea leia kua ke pati ki ai ; kae i mua, teuteui mai se ga fa kato kiate au, ti ke aumai loa a ia kiate au ; ti oki, ti o ke teuteui loa se nea kiate koe mo lou tama.

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Pesalemo 119:125

Ko au ko lau tagata fakasausau : soli mai kiate au le atamai, O tupu ke kau iloa au pelesepeto !

Pesalemo 143:8

Tuku ke kau logo i le usu ki lou agamalie, Talie e kau fanaki kiate koe. Fakasa mai kiate au le ala leia e tonu ke kau saele ai, Talie e kau siki kiate koe loku laumalie.

Pesalemo 94:19

Ka lasi a tuania iate au, Ko au fakapelepele e soli ia le fiafia ki loku laumalie.

Taagapati 12:5

E totonu a manatu a le kau agatonu ; Kae kaka a fakakaukau a le kau agaveli.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Esaia 7:2

Na fakasa loa ki le fale o Tavite : Kua fakatuu le nofolaga tau o le kau Silia i Efalaimi. Ti na lulu loa le loto o Akasi mo lona kakai ofaipe le lu o laakau o le vao e le matagi.

Selemia 31:22

E kaku loa kiafea lau eva, taine agatuu ? Talie e fakatupu e le Eteleno se nea foou i le malama nei : E afa loa e le fafine le tagata.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Selemia 40:9

Ti na fakapapau loa Ketalia, vosa o Asikame, vosa o Safani, kia latou mo alatou kakai, o pati : Aua na kotou i ki le tausi ki le kau Kaletea ; kotou nonofo i le fenua, ti kotou tausi le sau o Papilone, ti e kotou malie loa i ai !

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Mateo 1:18

Ko leinei loa le anoaga o le tupu o Sesu-Kilisito : Ko Malia, lona tinana, na fakatasi mo Sosefo, ti e i mua o lala nonofo fakatasi, na tinae a ia i le Laumalie Maokioki.

Mateo 2:12

Ti na fakasa loa e le Atua kia latou i se moe miti ke aua na toe liliu kia Elote, ti na lotou toe liliu loa ki lolatou fenua i se tasi ake a ala.

Mateo 2:13

I le oki o lalatou mavae, na sa loa se aselo o le Aliki kia Sosefo i se moe miti, o pati : Tuu ki aluga, too le ga toe mo lona tinana, o sola ki Esipito, ti ke nofo i ai o kaku ki laku toe masau atu loa kiate koe, talie e afa loa le ga toe e Elote ke tamate.

Mateo 2:19

I le oki o le mate o Elote, ko leinei na sa loa se aselo o le Aliki i se moe miti kia Sosefo i Esipito,

Mateo 2:22

Kae i le logo a Sosefo e sau i Sutea a Akelausi o fetogi Elote lona tamana, na i loa a ia i le ano ki ai ; ti na fakasa loa e le Atua kiate ia i se moe miti ke afe a ia ki le fenua o Kalilea,

Mateo 27:19

I lana nofo i le telepinale, na fakasa loa e lona avaga kiate ia : Ke aua na i ai fua se nea i le vasa o ou mo le tagata agatonu lena ; talie i le aso nei na kau mamae lasi ai i laku moe miti o tupu ko ia.

Mateo 28:5

Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 2:4

Na pale foki Sosefo mei Kalilea, mei le kolo ko Nasaleti, o ano ki Sutea, ki le kolo o Tavite, na igoa ko Peteleemi, talie na kau a ia ki le fale mo le famili o Tavite,

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Apokalipisi 19:7

Tou fiafia, tou nekenekea, ti tou tuku le kololia kiate ia ; talie kua soko le avaga o le Akeno, kua teuteu lana feauaki,

Tuifakamaau 13:3

Na sa loa le aselo o le Eteleno ki le fafine, o pati kiate ia : Ko leinei, e ke paa, ti na leaise ke maua sau fanau ; e ke faitoe loa ti e ke fanaui loa se tama.