Mateo 1:2 - Tosi Tapu

² Ko Apalaamo na tupu ai Isaake ; ko Isaake na tupu ai Sakopo ; ko Sakopo na tupu ai Suta mo ona fetaina ;

Mateo 1:2 Iomraidhean Croise

Senesi 25:19

Ko leinei le sakoga o Isaake, vosa o Apalaamo.

Senesi 25:26

Ti na vilo ake loa lona taina, leia na kukumi e lona lima le mulivae o Esau ; ti na soli loa kiate ia le igoa ko Sakopo. Na fetuu kau ono Isaake i le aso leia na la tupu ai.

Uluaki tosi o Koloniko 1:28

Ko vosa o Apalaamo : Ko Isaake mo Isemaele.

Uluaki tosi o Koloniko 1:34

Na tupu loa meia Apalaamo a Isaake. Ko vosa o Isaake : Ko Esau mo Iselaele.

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Numelo 1:26

Ki vosa o Suta, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia,

Mateo 1:1

Ko le sakoga o Sesu-Kilisito, vosa o Tavite, vosa o Apalaamo.

Mateo 1:3

ko Suta na tupu ai Pelesi mo Sala kia Tamale ; ko Pelesi na tupu ai Eselome ; ko Eselome na tupu ai Alame ;

Gaoi 7:8

Ti na tuku loa e le Atua kia Apalaamo le sai o le silikosisio ; ti na tupu loa Isaake ia Apalaamo, o silikosisio e ia a ia i lona aso valu ; ti na tupu loa Sakopo ia Isaake, o silikosisio e ia ; ti na tupu loa ia Sakopo le kau pateliaka e tino agafulu tupu lua.

Epelo 11:11

Ko le tui leia na mafai ai e Sala, logo ai kua finematua, ke fanaui se sakoga, talie na tui a ia ki le agatonu o leia na fai ia le fakapapau.

Epelo 7:14

talie kua sa maoki na tupu lotatou Aliki meia Suta, faasiga leia na leaise masau ki ai Moisese ki le tulaga fakapelepitelo.

Apokalipisi 7:5

Mei le faasiga o Suta, ko le tino agafulu tupu lua afe ala na fakamailoga ki le fakamau ; mei le faasiga o Lupeni, ko le tino agafulu tupu lua afe ; mei le faasiga o Kate, ko le tino agafulu tupu lua afe ;