Mateo 1:12 - Tosi Tapu

¹² I le oki o le popula i Papilone, ko Sekoniasi na tupu ai Salatiele ; ko Salatiele na tupu ai Solopapele ;

Mateo 1:12 Iomraidhean Croise

Lua tosi o Sau 24:14

Na ave popula loa e ia Selusalemi katoa, mo kau pule fuli, ti mo kau tagata toa fuli, ko lolatou api ko le tino agafulu afe, mo le kau fai papa fuli ti mo le kau fai matapa fuli : na toe loa le kakai mativa o le fenua.

Lua tosi o Sau 25:27

I le fetuu kau tolu tupu fitu o le popula o Sosakini, sau o Suta, i le aso kau lua tupu fitu o le kau agafulu tupu lua o masina, na toe lagai loa e Evile-Melotake, sau o Papilone, i le uluaki fetuu o lana sau, le fa ulu o Sosakini, sau o Suta, o fakamavae a ia mei le pilisoni.

Uluaki tosi o Koloniko 3:17

Ko vosa o Sekoniasi : ko Asile, leia na tupu mei ai a Saletiele,

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Neemia 12:1

Ko nei le kau faisakilifisio mo le kau Levi leia na toe liliu mai mei le popula mo Solopapele, vosa o Saletiele, mo Sosue : ko Selasa, mo Selemia, mo Esetalasi,

Selemia 22:24

E pati le Eteleno : E kau mauli ! Ka soko loa Sekonia, sau o Suta, vosa o Sosakimi, Ko se mama i loku lima atamai, E kau taaki loa a koe mei ai.

Selemia 22:28

Pe ko se ipu veli mo mafaa a Sekonia ? Pe leaise alofa ki ai se tasi ? Kolea kua tiaki ai latou, a ia mo lona sakoga, Ti kua kapu ai latou ki se fenua leia e leaise lotou iloa ?

Selemia 22:30

E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 27:20

Ala na leaise too e Nepukatenesale, sau o Papilone, i le aso leia na ave popula ai e ia mei Selusalemi ki Papilone a Sekonia, vosa o Sosakimi, sau o Suta, mo le kau lalasi fuli o Suta mo Selusalemi.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Akeseo 2:2

Masau kia Solopapele, vosa o Saletiele, ko le kovana o Suta, mo Sosue, vosa o Sotesatake, le tagata faisakilifisio lasi, ti mo le toega o le kakai, o pati kia latou :

Akeseo 2:23

I le aso lena, e pati le Eteleno o kau tau, E kau too loa a koe, Solopapele, vosa o Saletiele, Laku tagata fakasausau, e pati le Eteleno, Ti e kau taupau loa a koe ofaipe se fakamailoga ; Talie na kau filifili a koe, e pati le Eteleno o kau tau.

Mateo 1:11

ko Sosiasi na tupu ai Sekoniasi mo ona fetaina, i le temi o le ave fakapopula ki Papilone.

Mateo 1:13

ko Solopapele na tupu ai Apiuti ; ko Apiuti na tupu ai Eliakimi ; ko Eliakimi na tupu ai Asole ;

Mateo 1:17

Na fakatasi fuli loa ko le kau agafulu tupu fa tautupu meia Apalaamo o kaku mai kia Tavite, ti mo le kau agafulu tupu fa tautupu meia Tavite o kaku mai ki le popula i Papilone, ti mo le kau agafulu tupu fa tautupu mei le ave popula ki Papilone o kaku mai kia Kilisito.

Luka 3:27

vosa o Soanane, vosa o Lesa, vosa o Solopapele, vosa o Salatiele, vosa o Neli,