Maleko 8:17 - Tosi Tapu

¹⁷ Na iloa loa e Sesu alatou manatu, ti na pati loa a ia kia latou : Kolea e kotou masau ai ki pane ? pe koi kotou sala atamai aifai ? Pe leaise kotou matala aifai ?

Maleko 8:17 Iomraidhean Croise

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Mateo 12:15

Kae na iloa loa e Sesu le nea lena, ti na fakamamao loa a ia mei le ganea lena. Na muli loa iate ia se kakai toka api. Na fakamauli loa e ia le kau masaki fuli,

Mateo 15:17

Pe leaise kotou matala ko nea fuli ala e ulu ki le gutu e ano ki le manava, ti e tiaki ki ganea fakapulipuli ?

Mateo 16:7

Na manatu loa le kau tisipulo i olatou loto, o pati : E tupu talie na leaise tou too ni pane.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Maleko 2:8

Na iloa loa e Sesu i le lakaga fai lena a nea ala na lotou manatu ki ai i olatou loto, ti na pati loa a ia kia latou : Kolea e kotou maua ai ni manatu fenaaki i okoutou loto ?

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Maleko 6:52

Talie na leaise lotou matala ki le milakulo o pane, o tupu na fefeka ai olatou loto.

Maleko 8:16

Na femasauaki loa le kau tisipulo, o pati : E tupu na leaise tou too ni pane.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Soane 16:30

I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.