Maleko 8:11 - Tosi Tapu

¹¹ Na kaku ake loa le kau faliseo o kamata fakavesilii Sesu, ti mo kole kiate ia se fakamailoga mei le lagi, ke asiasii ai a ia.

Maleko 8:11 Iomraidhean Croise

Ekesote 17:2

Ti na fakatupu fefele loa le kakai kia Moisese. Na lotou pati loa : Soli mai se vai ke inu. Na tali loa Moisese kia latou : Kolea e kotou fakatupu fefele ai kiate au ? Kolea e kotou asiasii ai le Eteleno ?

Ekesote 17:7

Ti na soli loa e Moisese ki le ganea lena le igoa ko Masa mo Melipa, talie na fakatupu fefele a fanau a Iselaele kia Moisese, ti na lotou asiasii le Eteleno, o pati : Pe nofo koia le Eteleno mo tatou, pe leai

Malakia 3:15

I le temi nei e motou pati : e manuia ake latou ala e fia taualuga ; Io, e mou koloa ake latou ala e agaveli. Io, e lotou asiasii le Atua, ti e lotou saosaoa !

Mateo 12:38

Na masau loa ni iki o le kau sekelipa mo le kau faliseo, o pati : Pule, e motou fia tio ki se milakulo meiate koe.

Mateo 19:3

Na nake loa le kau faliseo kiate ia, ti na lotou pati loa kiate ia ke asiasii ai a ia : Pe taga ke kapu e se tagata lona avaga i se nea ?

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Mateo 22:15

Na ano loa le kau faliseo o fonofono ki se puleaki leia ke maua ai se sala ma Sesu i ana masau totonu.

Mateo 22:18

I le iloa e Sesu lalatou agaveli, na tali loa a ia : Kolea e kotou asiasii ai au, kau malualoi ?

Mateo 22:23

I le aso lena, na au loa kia Sesu le kau Satuseo, ala e pati e leaise toe tuuake, o fai le vesili leinei :

Maleko 12:15

Na iloa loa e Sesu lolatou malualoi, ti na tali loa a ia kia latou : Kolea e kotou asiasii ai au ? Kotou aumai ake se fa tenalio, ke kau tio ki ai.

Maleko 2:16

I le tio a le kau sekelipa mo le kau faliseo e kai Sesu mo le kau agasala ti mo le kau popelikano, na lotou pati loa ki ana tisipulo : Kolea e kai ai mo inu ai a ia mo le kau popelikano mo le kau agasala ?

Maleko 9:16

Na vesili loa Sesu kia latou : Kolea le nea e kotou masau ki ai mo latou ?

Luka 10:25

Na tuu loa ki aluga se toketa o le lao o pati kia Sesu, ke asiasii ai a ia : Pule, kolea le nea e tonu ke kau fai ke maua ai le mauli lee gato ?

Luka 11:16

Ti ko iki, o tupu ke asiasii a ia, na kole ia loa kiate ia se fakamailoga mei le lagi.

Soane 4:48

Na pati loa Sesu kiate ia : Kapau e leaise kotou tio ki ni milakulo mo ni gaoi fakatalatupua e leaise kotou tui fua.

Soane 6:30

Na lotou pati loa kiate ia : Kolea le milakulo e ke fai loa ke motou tio ki ai, ti ke motou tui ai kiate koe ? Kolea e ke fai loa ?

Soane 7:48

Pe i ai se tasi o le kau pule pe ko le kau faliseo kua tui kiate ia ?

Soane 8:6

Na lotou pati le nea lena ke asiasii ai a ia, o tupu ke mafai sona fakalakasalai. Kae na punou loa Sesu ki lalo, o tositosi ki lona maikao i le kele.

Gaoi 5:9

Ti na pati loa Petelo kiate ia : Kolea kua kolua fia asiasii ai le Laumalie o le Aliki ? Ko nei latou ala na tanu ia lou avaga kua tutuu i le matapa, ti e lotou toe fata loa a koe ki fafo.

Uluaki tosi ki le kau Kolinto 10:9

Aua na tou asiasii le Aliki, ofaipe le fai a ni iki o latou, ala na mamate loa i gata.

Tetelonome 6:16

Ke aua na kotou asiasii loa le Eteleno, lokoutou Atua, ofaipe lakoutou asiasii a ia i Masa.