Maleko 6:9 - Tosi Tapu

⁹ kae ke lotou tui ni taka, ti ke aua na lotou tui ni kofu e lua.

Maleko 6:9 Iomraidhean Croise

Mateo 10:10

pe ko se taga ki le folau, pe ko ni kofu e lua, pe ko ni taka, pe ko se tokotoko ; talie e tonu ke maua e le tagata gaoi lana nea kai.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Maleko 6:10

Ti na pati loa a ia kia latou : I se fale leia e kotou ulu loa ki ai, kotou nofo i ai o kaku ki lakoutou mavae i le ganea lena.

Maleko 6:8

Na fakatotonu loa e ia kia latou : ke aua na lotou too se nea ki le fanoga, kae gato fua ki se tokotoko ; ke aua na lotou too se pane, pe ko se taga, pe ko se paaga i olatou kilipipi ;

Gaoi 12:8

Ti na pati loa le aselo kiate ia : Toi lou kilipipi, ti tui ou taka. Ti na fai loa a ia ki ai. Ti na toe pati loa le aselo kiate ia : Tui lou taupulupulu, o muli mai iate au.

Efeso 6:15

ti kotou sa taka i okoutou vae ki le mafi o le Evaselio o le tokamalie ;