Maleko 5:7 - Tosi Tapu

⁷ ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Maleko 5:7 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Uluaki tosi o Sau 22:16

Ti na pati loa le sau kiate ia : Pe tua fia loa laku kole atu kiate koe ke fakasa ata mai kiate au le nea leia e maoki mei le Eteleno ?

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Mateo 4:3

Na fakafeofi ake loa le fakasala, o pati kiate ia : Kapau ko le Alo a koe o le Atua, fakatotonu ke liliu a fatu ana ko ni pane.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Maleko 1:24

Kolea e ke loto kia matou, Sesu mei Nasaleti ? Pe na ke au o maumaui matou ? E kau iloa pe ko ai a koe : Ko le Sagato a koe o le Atua.

Maleko 14:61

Kae na fakalologo loa Sesu, ti na leaise tali loa a ia ki se nea. Na toe vesili loa le pule faisakilifisio kia Sesu, o pati : Pe ko koe ko le Kilisito, ko le Alo o le Atua manuia ?

Maleko 3:11

I le tio a laumalie veli kia Sesu, na lotou tulolo i ona mua, o tagi : Ko le Alo a koe o le Atua !

Maleko 5:6

I lana tio kia Sesu mei mamao, na makape loa a ia, o tulolo i ona mua,

Maleko 5:8

Talie na pati Sesu kiate ia : Mavae i le tagata lena, laumalie veli !

Luka 1:32

E lasi loa a ia, ti e fakaigoa loa a ia ko le Alo o le Taualuga, ti e soli loa e le Aliki Atua kiate ia le ekeekeaga o Tavite, lona tamana.

Luka 4:34

Oi ! Kolea e ke loto kia matou, Sesu mei Nasaleti ? Na ke au ke maumaui matou ? E kau iloa pe ko ai a koe : Ko le Sagato o le Atua.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Gaoi 16:17

Ti na muli loa a ia ia Paulo mo matou, o kalaga : Ko tagata anei ko ni tagata fakasausau a le Atua Taualuga, ti e lotou fakasa atu kia koutou le ala o le mauli.

Gaoi 19:13

Ti na asiasii loa e ni tagata Sutea kapu temonio ala na feanoaki saele, ke lotou kapu i le igoa o le Aliki Sesu a laumalie veli meia latou ala na lotou nonofo ai, o pati : E kau fakatotonu atu kia koutou, i le Sesu leia e fakasa e Paulo !

Gaoi 8:36

I le soko atu o lola fanoga, na la felavei loa mo se vai. Ti na pati loa le enuke : Ko leinei se vai, kolea ka taofi ia loku papitema ?

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 7:1

Talie ko le Melekiseteke lena, ko le sau o Salemi, ti ko le tagata fai sakilifisio a le Atua taualuga ; na ano a ia ki mua o Apalaamo i lana toe liliu mei le lava o le kau sau, ti na tapuaki loa a ia kia Apalaamo ;

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.

Lua tosi a Petelo 2:4

Talie, kapau na leaise fakasao e le Atua le kau aselo leia na agasala, kae na ti e ia latou ki ifeli, leia e taofi ai mo saisai ai latou o pilisoni i ni sosoni o le fakapouli ki le aso o le fakamaau ;

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;

Apokalipisi 12:12

Koia kotou fiafia, atu lagi, ti mo koutou ala e nonofo i le atu lagi. Malaia ki le kele mo le tai ! Talie kua ifo le Tiapolo kia koulua, kua makita i le ita lasi, talie e iloa e ia kua toetoe fua lona temi.