Maleko 5:12 - Tosi Tapu

¹² Ti na kole loa e le kau temonio kiate ia, o pati : Kakau matou ki puaka ana, o tupu ke motou ulu kia latou.

Maleko 5:12 Iomraidhean Croise

Sopo 2:5

Kae ke ke falo lou lima, o fafa ki ona ivi mo lona kanofi, ti e kau iloa fakapapau e lauveli loa a ia kiate koe i ou mua.

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Maleko 5:11

Na i ai i le ganea lena, o ofi ki le mauga, se kau puaka lasi leia na fagai.

Maleko 5:13

Na fakataga loa e ia kia latou le nea lena. Ti na mavae loa a laumalie veli, o ulu ki puaka, ti na fekapu mai loa le kau puaka i le fetuu o le mauga, o maluluku ki le tai : (Na maua ni puaka e lua afe), ti na lotou malelemo fuli loa i le tai.

Lua tosi ki le kau Kolinto 2:11

o tupu ke aua na tuku ke maua e Satana se faigamalie ia tatou, talie e leaise tou fakapouli ki ana fakatuutuu.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.