Maleko 4:8 - Tosi Tapu

⁸ Na maluku loa se tasi a potu ki le kele malie : Na fua loa a ia o lasi ai, o kau tolu, mo kau ono, mo kau lelau ki le fa fakaili e tasi.

Maleko 4:8 Iomraidhean Croise

Senesi 26:12

Na to loa e Isaake ni fakaili i le fenua lena, ti na utu loa e ia i le fetuu lena o liuga kau lelau ; talie na tapuaki loa le Eteleno kiate ia.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Mateo 13:23

Ko leia na tali ia le fakaili i le kele malie, ko leia e logo ki le folafola ti e matala ki ai ; e fua a ia, ti e fua se fa fuai fakaili e tasi o kau lelau, ti ko se tasi o kau ono, ti ko se tasi o kau tolu.

Mateo 13:8

Na maluku loa se tasi a potu ki le kele malie : Na fua a ia, o taki kau lelau a iki, ti taki kau ono a iki, ti taki kau tolu a iki.

Maleko 4:20

Ko ni iki na tali ia le folafola i le kele malie ; ko latou ala e logo ki le folafola, ti e lotou tali a ia, ti e lotou fua, o kau tolu, mo kau ono, ti mo kau lelau ki le tasi.

Maleko 4:7

Na maluku loa se tasi a potu ki le vao talatala : Na somo ake loa le vao talatala o taotao a ia, ti na leaise fua loa a ia.

Maleko 4:9

Ti na pati loa a ia : Ko leia e maua ia ni taliga mo fakalogo, ke logo.

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Luka 8:8

Na maluku loa se tasi a koga ki le kele malie ; i lana somo ake, na fua loa a ia o liuga kau lelau. I le oki o lana masau, na kalaga loa Sesu o leo lasi : Ko leia e i ai ni ona taliga ke fakalogo, ke logo.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Efeso 2:21

Iate ia e fesokoaki malie ai le fale katoa, o malaga ki aluga ke liliu ko se fale tapu maokioki ki le Aliki.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,