Maleko 3:2 - Tosi Tapu

² Na lotou lama loa Sesu, ke tio pe fakamauli loa e ia le tagata lena i le aso o le sapato : O tupu ke mafai ai lona fakalakasala.

Maleko 3:2 Iomraidhean Croise

Pesalemo 37:32

E lamalama e le tagata agaveli le tagata agatonu, Ti e afa e ia ke tamate a ia.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Mateo 12:10

Ti na nofo i ai se tagata lima mate. Na lotou vesili loa kia Sesu : Pe taga ke fakamauli se tasi i le aso sapato ? Na lotou fai le vesili lena ke fakalakasala ai a ia.

Maleko 3:3

Ti na pati loa Sesu ki le tagata lima mate : Tuu ki aluga i lena, i loto malie.

Luka 14:1

I se aso sapato, na ulu loa Sesu o kai i le fale o se tasi o le kau pule o le kau faliseo. Ti na lama a ia e le kau faliseo.

Luka 20:20

Na lotou kamata lamalama loa Sesu ; ti na lotou kakau loa ni tagata poto i le faifaitaki o le agatonu, o tupu ke lotou fai kiate ia ni masele ke maua ai ni masau meiate ia, o tupu ke lotou ave a ia ki le tui fakamaau mo le kovana.

Luka 6:7

Ti na lama loa Sesu e le kau sekelipa mo le kau faliseo, pe fai loa e ia se fakamauli i le aso o le sapato, o tupu ke lotou maua se nea ke fakalakasala ai a ia.

Soane 8:6

Na lotou pati le nea lena ke asiasii ai a ia, o tupu ke mafai sona fakalakasalai. Kae na punou loa Sesu ki lalo, o tositosi ki lona maikao i le kele.

Soane 9:16

I le nea lena, na pati loa ni iki o le kau faliseo : E leaise au le tagata lena mei le Atua, talie e leaise tausi e ia le sapato. Kae na pati loa ni iki : Pe mafai feaki e se tagata agasala ni milakulo fenaaki ?