Maleko 3:10 - Tosi Tapu

¹⁰ Talie, o tupu ko lana fakamauli ia ni kakai toka api, na feoso ake kiate ia latou fuli ala na maua ia ni masaki, ke fafa kiate ia.

Maleko 3:10 Iomraidhean Croise

Senesi 12:17

Kae na tautea loa e le Eteleno a Falaone mo lona fale ki ni malaia lalasi, o tupu ko Salai ko le avaga o Apalamo.

Numelo 11:33

Kae koi lotou lolotoga uuti loa le kanoi manu, ti na leikiaise lotou lamulamu fua a ia, na mu loa se sausau o le Eteleno ki le kakai, ti na tautea loa e le Eteleno le kakai ki se masaki fakaii.

Mateo 12:15

Kae na iloa loa e Sesu le nea lena, ti na fakamamao loa a ia mei le ganea lena. Na muli loa iate ia se kakai toka api. Na fakamauli loa e ia le kau masaki fuli,

Mateo 14:14

I le sopo a Sesu mei le vaka, na tio loa a ia ki se kakai toka api, ti na aloalofa loa a ia kia latou, ti na fakamauli loa e ia le kau masaki.

Mateo 14:36

Na lotou kolekole loa kiate ia ke fakataga ake fua kia latou ke fafa ki le tapatapa o lona kofu. Ti ko latou fuli ala na fafa ki ai na mauli loa.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Maleko 6:56

I ganea fuli na kaku a ia ki ai, i kolo liliki, mo kolo lalasi, ti mo nofoaga uta, na tuku a masaki i lapalasi fakafenua, ti na kole kia Sesu ke fakataga ake fua ke lotou lave ki le tapatapa o lona kofu. Ti na mauli loa latou fuli ala na lave kiate ia.

Maleko 8:22

Na lotou ano loa ki Petesaita ; ti na aumai loa kia Sesu se kivi, ti na kole loa kia Sesu ke fafa kiate ia.

Luka 5:3

Na sopo loa a ia ki se tasi o vaka ana, ko le vaka o Simone, ti na kole loa e ia kia Simone ke fakamamao fakaikiiki mei le kele, ti na tonatona loa a ia ki lalo o akonaki ki le kakai mei le loto vaka.

Luka 6:19

Ti na afa e le kakai katoa ke fafa kiate ia, talie na au meiate ia se makeke o fakamauli latou fuli.

Luka 7:2

Na maua e se setulio sana tagata fakasausau, leia na alofa lasi a ia ki ai. Ti na masaki le tagata fakasausau lena, o teiteiki ke mate.

Luka 7:21

I le ola fai lena, na fakamauli loa e Sesu ni kakai toka api i olatou masaki, mo olatou maimoa, ti na kapu loa e ia ni laumalie veli, ti na fakatio loa e ia ni kivi toka api.

Gaoi 5:15

Koia na lotou kamata fata ai a masaki ki ala, o fakamomoe i ni palepale mo ni moelaga, o tupu, ka fakalaka loa Petelo, ke lave a ia ki ni iki o latou, pe ko lona malu fua.

Epelo 12:6

Talie e akonakii e le Aliki leia e alofa a ia ki ai, Ti e taai e ia ki le laakau latou fuli ala e fakamaoki e ia ko ona vosa.