Maleko 14:7 - Tosi Tapu

⁷ Talie e kotou maua tuumau le kau mativa, ti e mafai ke kotou fai kia latou se nea malie mo ka kotou loto ki ai, kae e leaise kotou maua tuumau au.

Maleko 14:7 Iomraidhean Croise

Mateo 26:11

talie e kotou maua tuumau le kau mativa, kae e leaise kotou maua tuumau au.

Maleko 14:6

Kae na pati loa Sesu : Kotou tuku noa a ia. Kolea e kotou fakamamaei ai a ia ? Kua fai e ia se gaoi malie kiate au.

Soane 13:33

Ei aku fanau liliki, ko se ga temi ikiiki fai koi kau nofo ai mo koutou. E kotou afa loa au ; ti e faipe laku pati ki le kau Sutea : E leaise mafai ke kotou au ki le ganea leia e kau ano ki ai, e kau toe fakasa atu foki a ia kia koutou i le lakaga nei.

Soane 16:28

Na kau au mei le Tamana, ti na kau au ki le malama nei ; ko leinei e kau mavae i le malama nei, o ano ki le Tamana.

Soane 16:5

Ko leinei e kau ano ki leia na kakau ia mai au, ti e leaise vesili mai fua se tasi o koutou : pe ke ano kifea ? "

Soane 17:11

E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Tetelonome 15:11

E maua tuumau loa ni mativa i lou fenua ; koia leia e kau tuku atu ai kiate koe le lao leinei : e ke fakamavaa lasi loa lou lima ki lou taina, mo le fakaaloalofa, mo le mativa i lou fenua.

Filemo 1:7

Koia na kau logoi ai se fiafia lasi mo se fakapelepele o tupu ko lou alofa ; talie kua ke fakafimalie ia, ei taina, le loto o le kau sagato.