Maleko 13:3 - Tosi Tapu

³ Na tonatona loa a ia i le mauga o Oliveto, i mua o le fale tapu. Ti ko Petelo, mo Sakopo, mo Soane, ti mo Atelea, na fai ia loa kiate ia le vesili leinei, i lolatou tefua mo Sesu :

Maleko 13:3 Iomraidhean Croise

Mateo 13:10

Na fakafeofi ake loa le kau tisipulo kiate ia, o pati : Kolea e ke masau ai kia latou i ni folafola fakatata ?

Mateo 13:36

Na kakau loa e ia le kakai, kae ulu loa a ia ki fale. Ti na fakafeofi ake loa ana tisipulo kiate ia, o pati : Fakamatala mai kia matou le folafola fakatata o le sisania i le faisaga.

Mateo 17:1

Na sili loa ki ai ni aso e ono, ti na vaei loa e Sesu a Petelo, mo Sakopo, mo Soane, lona taina, ti na ave loa e ia latou ki se mauga taualuga.

Mateo 21:1

I lalatou fakafeofi ki Selusalemi, na lotou kaku loa ki Petefase, i le mauga o Oliveto, ti na kakau loa e Sesu ni tisipulo e toka lua,

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Maleko 10:35

Ko vosa o Sepeteo ko Sakopo mo Soane, na fakafeofi ake loa kia Sesu, o pati kiate ia : Pule, e ma loto ke ke fai kia maua le nea leia ka ma kole atu loa kiate koe.

Maleko 13:4

Fakasa mai kia matou, pe koafea e soko ai loa le nea lena, ti kolea le fakamailoga e iloa ai loa ka soko loa a nea fuli ana ?

Maleko 14:33

Na too loa e ia Petelo, mo Sakopo, mo Soane, ti na kamata logoi loa e ia se i lasi mo ni mamae.

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Maleko 5:37

Ti na leaise fakataga loa e ia ki se tasi ke ano mo ia, gato fai kia Petelo, mo Sakopo, ti mo Soane, taina o Sakopo.

Maleko 9:2

Na sili loa ki ai ni aso e ono, na too loa e Sesu a Petelo, mo Sakopo, mo Soane, ti na taki loa e ia latou tefua ki se mauga taualuga. Na fetogi loa a ia i olatou mua ;