Maleko 12:9 - Tosi Tapu

⁹ Kolea loa ka fai e le pule o le vite ? E au loa a ia o tamate le kau tagata faivite, kae e soli loa e ia le vite ki ni iki ake.

Maleko 12:9 Iomraidhean Croise

Esaia 29:17

Koi toe fua se ga temi ikiiki, Ti e liliu loa le Lipane ko se faisaga laakau fua, Ti e liliu loa le faisaga laakau fua ko se vaomatua.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 12:45

Ti e ano a ia, o aumai ni iki ake laumalie veli e fitu ala e itaita ake iate ia ; ti e lotou ulu ki le fale, o nonofo i ai, ti e veli ake loa le mauli fakamuli o le tagata lena i le uluaki. E toe fenaaki loa le tautupu agaveli leinei.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Maleko 12:8

Ti na lotou too loa a ia, o tamate, ti na lotou ti loa a ia ki le tua vite.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Loma 10:20

Ti na toa Esaia, o fakasa : Kua maua au e latou ala na leaise afa ia au, Kua fakasa au kia latou ala na leaise vesili kiate au.

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.