Maleko 12:2 - Tosi Tapu

² I le temi tau o le vite, na kakau loa e ia se tagata fakasausau ki le kau tagata faivite, o tupu ke maua e ia meia latou sona vaega i le fua o le vite.

Maleko 12:2 Iomraidhean Croise

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Koloniko 36:15

Na tuku loa e le Eteleno, le Atua o olatou tamana, ki ana polofeta le kavega ke valoki latou koi tautonu, talie na loto a ia ke saofaki lona kakai mo lona nofoaga totonu.

Esetalasi 9:11

ala na ke tuku ki au tagata fakasausau, le kau polofeta, o pati : Ko le fenua leia ka kotou ulu loa ki ai, o maua ma koutou, ko se fenua a ia e kelekele o tupu ko aga fakakelekele o kakai o fenua ana, mo agaveli, ala kua lotou fakaapele ki ai le fenua mei leia potu ki leia potu.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Sakalia 7:7

Pe leaise kotou iloa a folafola ala na fakasa e le Eteleno i ana kau polofeta mua, i le temi leia na nofoi ai mo fimalie ai Selusalemi mo ona kolo liliki fuli, ti na nofoi ai foki mo le potu saute mo le potu toafa o le fenua ?

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Maleko 12:1

Na toe masau loa Sesu kia latou i ni folafola fakatata. Na to loa e se tagata se vite. Ti na takatakai loa e ia a ia ki se a, ti na kenu loa e ia se tatauaga vino, ti na fakatuu loa e ia se tule ; ti na lue loa e ia le vite ki ni tagata faivite, ti na mavae loa a ia i le fenua.

Maleko 12:3

Ti na lotou too loa a ia, o sasa, ti na lotou kakau loa a ia ke ano ata.

Luka 12:48

Kae ko leia, na leaise iloa ia le finegalo o le pule, kae na fai e ia ni nea ala e tonu ke tautea, e tamate loa a ia ki ni fa ta teiki. E afa lasi loa ki leia na soli lasi ki ai, ti e fakaala lasi loa ki leia na fanaki lasi ki ai.

Luka 20:10

I le temi tau o le vite, na kakau loa e ia se tagata fakasausau ki le kau tagata faivite, ke lotou soli ake kiate ia lona vaega i le fua o le vite. Kae na tamate a ia e le kau tagata faivite, ti na lotou kakau a ia ke ano mo ona lima ata.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,