Maleko 10:49 - Tosi Tapu

⁴⁹ Na tuu loa Sesu, o pati : Kotou kalagai a ia ke au. Ti na lotou kalagai loa le tagata kivi, o pati kiate ia : Ke ke loto makeke, tuu ki aluga, e kalaga mai a ia kiate koe.

Maleko 10:49 Iomraidhean Croise

Luka 18:40

Na tuu loa Sesu, ti na fakatotonu loa e ia ke taki ake le tagata kivi kiate ia ; i lana ofi ake,

Soane 11:28

I le oki o lana masau lena, na ano loa Maleta. Ti na kalagai fakafufu loa e ia Malia, lona taina, o pati kiate ia : Kua nofo le Pule i leinei, ti e fakaala mai e ia a koe.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Pesalemo 145:8

E manava alofa le Eteleno, ti e apele a ia i le loto alofa ; E taofi fualoa e ia lona ita, ti e apele a ia i le agamalie.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Mateo 9:2

Ti ko leinei, na aumai loa kiate ia se tagata palalisia leia na moe i se palepale. I lana tio ki lalatou tui, na pati loa Sesu ki le tagata palalisia : Ke ke loto makeke, ei laku fanau, kua fakamolemole au agasala.

Maleko 10:50

Na tiaki loa e le tagata kivi lona taupulupulu, ti na mafuta loa a ia ki aluga, o au kia Sesu.