Maleko 10:34 - Tosi Tapu

³⁴ ala e gologolo loa kiate ia, mo anuanu loa kiate ia, mo sasa loa a ia ki laakau, mo tamate loa a ia ; ti e i le sili o aso e tolu, e toe tuuake loa a ia.

Maleko 10:34 Iomraidhean Croise

Sopo 30:10

E lotou fakalialia kiate au, e lotou mafuli kese iate au, Ti e lotou anusi oku mata.

Pesalemo 16:10

Talie e leaise ke tuku loa loku laumalie ki le nofoaga o le kau mate, Ti e leaise ke fakataga loa ke tio lou alofaaga ki le pala.

Pesalemo 22:13

E takatakai au e ni kau pipi tagata lalasi, E takatakai au e ni kau ni pipi tagata o Pasani.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 26:67

I le nea lena, na lotou anuanusi loa ona mata, mo soka loa a ia, ti mo fepataki loa a ia, o pati :

Mateo 27:63

o pati : Aliki, e motou manatui na pati le tagata kaka lena ka koi mauli : I le oki o aso e tolu, e kau toe tuuake loa.

Maleko 14:63

Na sae loa e le pule faisakilifisio ona kofu, o pati : Pe koi aoga mai aifai kia tatou ni tagata fakamaoki ?

Maleko 14:65

Ti na kamata anuanu loa ni iki kiate ia, ti na lotou sai loa ona mata, kae lotou soka loa a ia ki olatou kaito, o pati kiate ia : Fakasa mai kia matou pe ko ai leia na soka ia a koe ! Ti na fepataki loa a ia e le kau tagata fakasausau.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Luka 23:11

Na gologolo loa kiate ia a Elote, mo lana kau tuu matapa, ti na lotou nukinuki loa kiate ia, o fakakofu a ia ki se kofu gigila, ti na lotou toe kakau loa a ia kia Pilato.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 2:10

o pati kiate ia : E kamata tagata fuli i le vino malie, o fakaoki ki le vino maamaa mo kapau kua mau le kakai, kae ko koe, na ke taofi le vino malie o kaku mai ki le lakaga nei.

Uluaki tosi ki le kau Kolinto 15:4

ti na tanu a ia, ti na toe tuuake a ia i le aso tolu, o mulimuli ki le Tosi ;