Maleko 1:8 - Tosi Tapu

⁸ Ko au, na kau papitema koutou ki le vai ; kae e papitema loa e ia koutou ki le Laumalie Maokioki.

Maleko 1:8 Iomraidhean Croise

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Maleko 1:7

Na akonaki a ia, o pati : E au i oku muli leia e lasi ake iate au, ti e leaise kau gali i le punou o tatala le sai o lona taka.

Maleko 1:9

I le temi a ia, na au loa Sesu mei Nasaleti ki Kalilea, ti na papitema loa a ia e Soane i le Solotane.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Soane 1:26

Na tali loa Soane kia latou : Ko au, e kau fai papitema ki le vai, kae i lotomalie o koutou e i ai se tasi leia e leaise kotou iloa, leia e au i oku muli,

Soane 1:33

Na leaise kau iloa a ia, kae ko leia na kakau ia mai au ke fai papitema ki le vai, na pati mai kiate au : Ko leia e ke tio loa e ifo ki ai le Laumalie Maokioki, o tuu iate ia, ko ia leia e fai papitema ki le Laumalie Maokioki.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 10:45

Ti na punamauli loa le kau agatonu silikosisio leia na au mo Petelo, o tupu kua toe tufaki foki le nea alofa o le Laumalie Maokioki ki le kau pagani.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.