Maleko 1:41 - Tosi Tapu

⁴¹ Na aloalofa loa Sesu kiate ia, ti na falo loa e ia lona lima, o fafa ki le tagata, o pati : E kau loto ki ai, ke ke mea.

Maleko 1:41 Iomraidhean Croise

Senesi 1:3

Na pati loa le Atua : Ke sa le malama ! Ti na sa loa le malama.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Maleko 1:40

Na au loa se tagata kilia kiate ia ; ti na tutuli loa a ia, o kolekole kia Sesu : Kapau e ke loto ki ai, ti e mafai ke ke fakaliliu au o mea.

Maleko 1:42

I le lakaga fai lena, na mavae loa le kilia iate ia, ti na mea loa a ia.

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Maleko 5:41

Na too loa e Sesu le lima o le toe, o pati kiate ia : Talitha koumi, ko lona uiga : E kau pati atu, taine, tuu ki aluga !

Maleko 6:34

I lana ifo i le vaka, na tio loa Sesu ki se kakai lasi, ti na aloalofa loa a ia kia latou, talie kua lotou faipe ni ovi ala e leaise maua ia se tagata tausi ovi ; ti na kamata ako loa e ia kia latou ni nea mauke.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.