Maleko 1:20 - Tosi Tapu

²⁰ I le lakaga fai lena, na kalagai loa e ia laua ; ti na la tuku loa lola tamana ko Sepeteo i le vaka mo le kau gaoi, kae na la muli loa iate ia.

Maleko 1:20 Iomraidhean Croise

Uluaki tosi o Sau 19:20

Ti na tuku loa e Eliseo ana pipi, kae na makape loa a ia i muli o Elia, o pati : Tuku mai mua kau ano o sogi ki loku tamana mo loku tinana, ti e kau muli atu loa iate koe. Na tali loa Elia kiate ia : Ano, ti ke toe liliu mai ; talie ke ke manatu ki le nea leia kua kau fai kiate koe.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Maleko 1:19

Ti na fakamamao fakaikiiki atu a ia, ti na tio loa a ia kia Sakopo, vosa o Sepeteo, mo Soane, lona taina, ala na nonofo foki i se vaka ti na onoono ia ola kupega.

Maleko 1:21

Na lotou ano loa ki Kafanaume. Ti na ulu loa Sesu ki le sinakoka o akonaki, i le aso o le sapato.

Maleko 10:29

Na tali loa Sesu : E kau pati maoki atu kia koutou, e leaise tasi fua leia e tiaki ia, o tupu ko au ti mo le Evaselio, pe ko lona fale, pe ko ona fetaina, pe ko ona tuagaane, pe ko lona tinana, pe ko lona tamana, pe ko ana fanau, pe ko ona kele,

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Luka 5:11

Ti na lotou toso loa a vaka ki uta, ti na lotou tuku loa a nea fuli, kae lotou muli loa iate ia.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.