8 Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.
Na leaise ke momoli mai kiate au ni akeno i ni failaulau, Ti na leaise ke fakamauiga au ki au sakilifisio ; Na leaise kau fakamakeke kiate koe ni moliga, Ti na leaise kau fakakaekae a koe ki se iseso.
Na pati mai loa a ia kiate au : Ko le tosi lena o le malaia leia e mafola loa ki le fenua katoa. Talie e tuu i le tasi fetuu e kapu loa a tagata kaia fuli mei le fenua leinei, ti e tuu i le tasi fetuu e toe kapu foki latou fuli ala na fai fakapapau loi mei le fenua leinei.
E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.
Ka kotou momoli se failaulau ki se manu kivi, pe leaise veli ? Ka kotou momoli se manu kito pe maimoa, pe leaise veli ? Ke ke momoli a ia ki lou kovana ! Pe tali malie loa e ia a koe, pe tuku atu loa e ia kiate koe se nea malie ? E pati le Eteleno.
Ti na pati loa a ia kia latou : Kotou liufaki kia Sesale le nea a Sesale, ti kotou liufaki ki le Atua le nea a le Atua. Ti na lotou ofolele ai kiate ia.
Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.
Kua agasala a fanau a Iselaele : Kua lotou maumaui le fakapapau leia na kau tuku kia latou ; io, kua lotou too ni nea i nea ala na kau tapui kia latou, kua lotou kaia a nea ana, ti kua lotou fufu latou i loto malie o alatou kavega.