Malakia 3:3 - Tosi Tapu

³ E tonatona loa a ia ki lalo, e saka loa e ia, ti e fakamea loa e ia le siliva ; E fakamea loa e ia a vosa o Levi, E fakamea loa e ia latou ofaipe le fakamea o le aulo mo le siliva, Ti e lotou fai loa ki le Eteleno ni moliga i le faitotonu.

Malakia 3:3 Iomraidhean Croise

Pesalemo 116:17

E kau momoli loa kiate koe se sakilifisio fakafetai, Ti e kau fetapa loa ki le suafa o le Eteleno ;

Pesalemo 4:5

Ke kotou lulu, ti ke aua na kotou agasala ; Ke kotou masau i okoutou loto i okoutou moeaga, ti kotou fakalologo. - Manava.

Pesalemo 4:6

Ke kotou momoli ni sakilifisio o le faitotonu, Ti ke kotou fanaki ki le Eteleno.

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Pesalemo 51:19

Ko sakilifisio ala e malie ki le Atua, ko se loto fatifatii : Ei Atua ! e leaise ke tiaki se loto fatifati mo fakasemala.

Pesalemo 66:10

Talie na ke asiasii matou, ei Atua ! Na ke tuku matou ke fakalaka i le kulo saka ukamea ofaipe le siliva.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Taagapati 25:4

Too le kele i le siliva, Ti e maua loa i ai se ipu ki le tagata faiipu.

Esaia 1:25

Ti e kau teki loa loku lima kiate koe, E kau tutu loa ke puli le sikoli leia e piki iate koe, ofaipe le gaoi a le potase, Ti e kau too loa a ga penui pulu fuli iate koe.

Esaia 48:10

Na kau tuku a koe ki le gutuumu kaka, kae na leaise ko le gutuumu leia e fakamea ai le paaga ; Na kau asiasii a koe i le gutuumu o le mamae.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Esekiele 20:38

E kau vaei kese loa i a koutou le kau agatuu mo latou e agasala kiate au ; ti e kau too loa latou i le fenua leia e lotou matapule ai, kae e leaise lotou ano loa ki le fenua o Iselaele. Ti e kotou iloa loa ko au ko le Eteleno.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Numelo 8:6

Ke ke vaei kese le kau Levi mei fanau a Iselaele ti ke fakamea loa latou.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 12:10

Talie e maoki na tautea tatou e otatou tamana i ni ga aso teiki fua, ofai ki le nea leia e lotou malie ia ; kae e tautea tatou e le Atua i le nea leia e aoga kia tatou, o tupu ke tou kau ki lona maokioki.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.