Lute 4:2 - Tosi Tapu

² Na too loa e Poase ni tagata e tino agafulu i le kau fakamatuatua o le kolo, ti na pati loa a ia : Kotou nonofo ki lalo i leinei. Ti na lotou nonofo loa ki lalo.

Lute 4:2 Iomraidhean Croise

Uluaki tosi o Sau 21:8

Ti na fai loa e ia ni tosi i le igoa o Akapo ala na fakamaoki loa e ia ki le pooi o le sau, ti na fakamomoli loa e ia ki le kau matua mo le kau pule ala na nonofo mo Napote i lona kolo.

Ekesote 21:8

Kapau e leaise malie loa a ia ki mata o lona pule, leia na loto ke avaga mo ia, ti e fakafaigaofie loa e ia lona totogi, kae e leaise taga loa kiate ia ke fakatau e ia le fafine ki ni kakai kese, i le oki o lana aga o kakau a ia ; e tuku loa e ia ki le tamana ke toe totogi e ia a ia.

Taagapati 31:23

E logologona lona avaga i matapa, Mo ka fono a ia mo le kau matua o le fenua.

Tagi laulau a Selemia 5:14

E leaise koi ano le kau matua ki le matapa, E leaise koi sua le kau tagata tupulaga.

Gaoi 6:12

Ti na lotou lagai loa le kakai, mo le kau fakamatuatua, mo le kau Sekelipa, ke lotou feoso o too fakamakeke a ia, o ave ki le fono lasi.

Tetelonome 25:7

Kae kapau e leaise loto loa le tagata lena ke avaga mo lona fafine, e pale loa lona fafine ki le matapa o le kolo ki le kau fakamatuatua, o pati : e leaise loto loku tagata ke sosolo le igoa o lona taina i Iselaele, ti e leaise loto a ia ke avaga a ia mo au o mulimuli ki le lao o le taina.

Tetelonome 29:10

I le aso nei e kotou tutuu fuli loa i mua o le Eteleno, lokotou Atua, mo okoutou pule faasiga, mo okoutou fakamatuatua, mo okoutou ofisa, mo tagata fuli o Iselaele,

Tetelonome 31:28

Ke kotou fakatasii mai ki oku mua a fakamatuatua fuli o okoutou faasiga, mo okoutou ofisa. E kau lau loa a folafola anei ke lotou logo ki ai ti e kau too ia loa le lagi mo le kele ke fakamaoki kia koutou.