Lute 4:1 - Tosi Tapu

¹ Na pale loa Poase ki le matapa o le kolo, ti na tuu loa a ia i ai. Ti ko leinei, na nake loa ki ai leia na kaiga feofi, ti na masau loa Poase kiate ia. Na pati loa Poase kiate ia : A koe leia, au, o nofo i leinei. Ti na ano loa a ia, o nofo ki lalo.

Lute 4:1 Iomraidhean Croise

Senesi 19:1

Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.

Senesi 23:10

Na tonatona loa Efelone mo vosa o Eti. Ti na tali loa Efelone, ko le tagata Eti, kia Apalaamo, i mua o vosa o Eti mo latou fuli ala na ulu i le matapa o lona kolo :

Senesi 34:20

Na ano loa Amole mo lona vosa ko Siseme ki le matapa o le kolo, ti na la masau loa ki le kakai o le kolo, o pati :

Lua tosi a Samuele 15:2

Na alaala usu loa a ia, o tuu i tafa o le ala o le matapa. I temi fuli ala e fakalaka ai se tagata leia kua nofo mo se nea ke fakamaaui, o ano ki le sau o tupu ke fai sona fakamaau, na kalagai a ia e Apesalone, o pati : E ke kau ki le kolo fea ? Ti kapau e tali mai a ia : E kau kau ki leia le faasiga o Iselaele,

Lua tosi o Koloniko 18:9

Ko le sau o Iselaele mo Sosafate, sau o Suta, na la tasi ekeeke i ola ekeekeaga fakasau, ti kua la teu ki ola kofu fakasau ; na la nonofo i le lotoa i le uluaga o le matapa o Samalia. Ti na fai kikite le kau polofeta fuli i ola mua.

Sopo 29:7

Kapau na kau ulu o ano ki le matapa o le kolo, Ti kapau na kau pati ke teuteui mai soku ekeekeaga i le lapalasi o le kolo,

Sopo 31:21

Ti kapau na kau siki loku lima ki le toe sala matua Talie na kau fanaki ki le tokoi a le kau tui fakamaau ;

Pesalemo 69:12

E kau tui se taga ko loku kofu, Ti e kau liliu ko lalatou nea katai.

Taagapati 31:23

E logologona lona avaga i matapa, Mo ka fono a ia mo le kau matua o le fenua.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Selemia 32:10

Na kau tosi loa se pepa fakamaoki, leia na kau fakamau loa, ti na kau too loa ni tagata fakamaoki, ti na kau fuafua loa le paaga i se fua.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Sakalia 2:6

Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 21:19

e too loa a ia e le tamana mo le tinana, o ave ki le kau fakamatuatua o lona kolo, i le matapa o le ganea leia e nofo ai a ia.

Tetelonome 25:7

Kae kapau e leaise loto loa le tagata lena ke avaga mo lona fafine, e pale loa lona fafine ki le matapa o le kolo ki le kau fakamatuatua, o pati : e leaise loto loku tagata ke sosolo le igoa o lona taina i Iselaele, ti e leaise loto a ia ke avaga a ia mo au o mulimuli ki le lao o le taina.

Sosue 20:4

E sola loa le tagata tukipo ki se kolo i kolo ana. E tuu loa a ia i le matapa o le kolo lena, ti e fakamatala loa e ia lona anoaga ki le kau fakamatuatua o le kolo lena. E lotou fakaulu loa a ia ki le kolo, ti e lotou soli loa kiate ia se ganea ke nofo ai mo latou.

Lute 3:12

E maoki ko au ko lou kaiga feofi, kae e i ai le tasi leia e feofi ake iate au.

Lute 3:18

Ti na pati loa Naomi : Ke ke fimalie, ei loku fugao, o kaku ki lau iloa pe feaki loa le fakaoki o le nea leinei, talie e leaise malolo loa le tagata lena kae e leikiaise fakaoki e ia le nea leinei i le aso nei.