Lute 3:9 - Tosi Tapu

⁹ Na pati loa a ia : Ko ai a koe ? Na tali loa le fafine : Ko au Lute, lau fafine fakasausau ; folasi mai lou lima ki lau fafine fakasausau, talie e ke kau ia latou ala e ofi kiate au.

Lute 3:9 Iomraidhean Croise

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Lute 2:20

Na pati loa Naomi ki lona fugao : Ke tapuakina a ia e le Eteleno, leia e manavaalofa kia latou ala e mauuli ofaipe lona manavaalofa kia latou kua mamate ! Ti na toe pati loa Naomi kiate ia : Ko le tagata lena ko lota kaiga totonu, e kau a ia kia latou ala e ofi kia taua.

Lute 3:10

Ti na pati loa Poase : Ke tapuaki le Eteleno kiate koe, ei loku taine ! Ko le nea leinei kua ke fai e fakamaoki ki lou agatonu ki le famili o lou avaga, ti e toe lasi ake a ia i nea fuli ala na ke fai. Talie na leaise ke afa ia le alofa o ni tagata koi muli, pe mou koloa pe mativa.

Lute 3:12

E maoki ko au ko lou kaiga feofi, kae e i ai le tasi leia e feofi ake iate au.

Lute 3:8

I le loto malie o le pouli, na oso loa le tagata lena i lona i ; ti na mafuli ake loa a ia, o tio ki se fafine kua moe i ona vae.

Lute 4:4

Na kau manatu loa e tonu ke kau fakasa atu a ia kiate koe, ti mo pati atu kiate koe : Ke ke totogi le kele, i mua o le kakai mo le kau matua o loku kakai. Kapau e ke loto ke ke totogi a ia, ti ke totogi a ia ; kae kapau e leaise ke loto ki ai, fakasa mai a ia kiate au ke kau iloa. Talie e leaise tasi leia e kaiga feofi i ou mua, ti ko au e kau olo atu kiate koe. Na tali loa le tagata : E kau totogi loa a ia.

Lute 4:6

Ti na tali loa le tagata : Kapau ko lena, ti e leaise mafai loa ke kau totogi a ia, talie e kau i na pulinoa loa loku tofiga ; too e koe mo ou le kaiga feofi, talie e leaise mafai ke kau too a ia.

Uluaki tosi a Samuele 25:41

Na tuu ake loa Apikaile ki aluga, o punou ona mata ki le kele, o pati : Ko leinei, e liliu loa lau fafine fakasausau ko se fafine popula ke fufulu ia a vae o tagata fakasausau a loku aliki.