Lute 3:7 - Tosi Tapu

⁷ Na kai loa Poase mo inu, ti na fiafia loa lona loto. Na ano loa a ia o moe i le potupotu o se tuuga fui fulumeto. Ti na ano fakaeteete loa a Lute, o sufegi ona vae, ti na moe loa a ia.

Lute 3:7 Iomraidhean Croise

Senesi 43:34

Na fakatotonu loa e Sosefo ke tufa kia latou a nea kai ala na tuku i ona mua. Na lasi tua lima ake le vaega o Pesamino i ona fetaina. Na lotou inu loa, ti na lotou fakafiafia fakatasi loa mo Sosefo.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Uluaki tosi o Sau 21:7

Na pati loa Sesapele, lana avaga, kiate ia : Pe ko koe maoki leia e pule ki Iselaele i le lakaga nei ? Tuu ki aluga, o ke kai, ti ke fakafiafia lou loto ; ko au, e kau soli loa kiate koe le vite a Napote mei Siseleele.

Esitele 1:10

I le fitu o aso, i le fiafia o le loto o le sau i le vino, na fakatotonu loa e le sau ko Asuelusi kia Meumani, mo Pisita, mo Alepona, mo Pikita, mo Apakita, mo Setale, ti mo Kalekasi, ko enuke e toka fitu ala na tausi kiate ia,

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Ekelesiasi 10:19

E fai ni kaitasi ke tupu ai le kata, ti e fakafiafia e le vino le loto, ti e tuku e le paaga a nea fuli e loto ki ai.

Ekelesiasi 2:24

Ko le nea e tasi e fiafia ai le tagata : ko le kai, mo le inu, ti mo le fakafiafia o lona laumalie ki le fua o lana gaoi ; kae na kau tio foki ko le Atua leia e soli ia le nea lena.

Ekelesiasi 8:15

Ti na kau fakavikiviki loa ki le fiafia, talie e leaise tasi ake manuia ki le tagata i le lalo laa i le kai, mo le inu, mo le fakafiafia ; talie ko le nea a ia leia e tonu ke maua tuumau e ia i lana gaoi, i lona mauli leia e soli e le Atua kiate ia i le lalo laa.

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Tuifakamaau 16:25

I le lasi o le fiafia o olatou loto, na lotou pati loa : Ke aumai Samisoni, ti ke fai e ia ni manogi ke fakafiafia ai otou loto ti ke tou kakata ai. Na lotou too loa Samisoni mei loto o lona pilisoni, ti na lotou kakata loa i le tio kiate ia. Na lotou fakatuu loa a ia i loto malie o pou o le fale tapu.

Tuifakamaau 19:22

I le lolotoga o lolatou taupau mauli, ko leinei, kua takatakai loa le fale e ni tagata o le kolo, ni tagata veli, ti kua lotou ta loa le matapa. Na lotou pati loa ki le matua, pule o le fale : Ke ke fakaulu mai ki fafo le tagata leia na ke aga o tali i lou fale, e motou fia iloa a ia.

Tuifakamaau 19:6

Ti na la tonatona loa, ti na la kakai loa mo inu toka lua mo ia. Ti na pati loa le tamana o le fafine tupulaga ki le Levi : Toe nofo mua i le po leinei, o toe fakafiafia lou loto.

Tuifakamaau 19:9

Na tuu ake loa le tagata Levi ki aluga ke ano, mo lona avaga ti mo lana tagata fakasausau ; kae na pati loa kiate ia le tamana o le fafine tupulaga : Ko leinei, kua malu loa le aso, ti kua tausala, ke kotou toe nonofo loa i le po leinei. Ko leinei, kua oki loa le aso, toe nofo mua i leinei i le po nei, ti ke fakafiafia lou loto ; i apogipogi e kotou alaala loa i le usu o toe liliu ki lokoutou kaiga.

Lute 3:6

Na ifo loa a Lute ki le sasaaga fulumeto ti na fai loa e ia a nea fuli ala na fakatotonu e lona tinana.

Lute 3:8

I le loto malie o le pouli, na oso loa le tagata lena i lona i ; ti na mafuli ake loa a ia, o tio ki se fafine kua moe i ona vae.